ოთხვარსკვლავიანი გენერალი დევიდ პეტრეუსი - უკრაინელების კონტრშეტევა მალე გააკვირვებს კრიტიკოსებს

дата: 481

ოთხვარსკვლავიანი გენერალი დევიდ პეტრეუსი The Washington Post-ში აქვეყნებს ძალიან საინტერესო ანალიზს უკრაინის ომთან დაკავშირებით. მოკლე შინაარსი/განხილვა ასეთია:

იგი აღნიშნავს, რომ ომი სწორხაზოვნად არასდროს ვითარდება და თავდაცვაში მყოფებს ყოველთვის უპირატესობა აქვთ [გამოთქმაა: თუკი ყველაფერი გეგმის მიხედვით მიდის ესე იგი მახეში ხარ]. ის რომ აშშ-მ "უდაბნოს ქარიშხლის" დროს ერაყელთა თავდაცვის ზღუდე მალე გაარღვია, არანაირად არ ნიშნავს რომ უკრაინელებიც შეძლებდნენ ამას, მით უფრო იმ ლიმიტირებული შეიარაღების პირობებში, რომელიც უკრაინელებს აქვთ: ამერიკელებს სრული საჰაერო დომინაცია ჰქონდათ ცაში და მაინც 39 დღის განმავლობაში მოუწიათ ერაყელთა პოზიციების დაბომბვა, ხოლო უკრაინელებს, რომელთაც არ აქვთ ასეთი უპირატესობა, მაინც წარმატებას აღწევენ ფრონტის ხაზზე.

გენერალი აგრძელებს და ამბობს, რომ რუსებს ეს თავდაცვითი ოპერაცია ბევრად უკეთ გამოსდით, ვიდრე შეტევა ან თავდაცვაში ყოფნის სხვა შემთხვევები. ის ყურადღებას ამახვილებს ორ ფაქტზე: 1. ფრონტის ხაზი დანაღმული და კარგად ფორტიფიცირებულია; 2. რუსები ელასტიურ თავდაცვას მიმარტავენ - თუკი უკან დახევა უწევთ მერე კონტრშეტევას ცდილობენ დაკარგული პოზიციის დასაბრუნებლად, რაც უკრაინელთა შეტევის ტემპს აგდებს.

მაგრამ პეტრეუსი აღნიშნავს, რომ ეს ერთი შეხედვით გამოფიტვაზე ორიენტირებული ბრძოლა სინამდვილეში გარღვევისათვის ბრძოლაა - შეიძლება რუსები პოზიციებს დიდი ხნის განმავლობაში იცავდნენ, მაგრამ როგორც კი ერთი გარღვევა მოხდება რუსებს უკრაინელთა შეჩერება ძალიან გაუჭირდებათ, მით უფრო, რომ რუსებს თავდაცვის მეორე ხაზი კარგად არ აქვთ გამაგრებული და არც კარგად გაწვრთნილი რეზერვი დარჩათ მის დასაცავადო. ზოგადად, თავდაცვის ხაზის გარღვევა ნიშნავს, რომ თავდაცვაში მყოფებს უკან დასახევი და კარგად ფორტიფიცირებული ერთიანი კონსტრუქცია აღარ აქვთ, რის შემდეგაც სრულიად შესაძლებელია ფრონტის ხაზის სწრაფი ჩამოშლა.

ამასთან, გენერალი ამბობს, რომ შეტევა კიდევ ოთხი თვე მაინც გაგრძელდება და არ უნდა ველოდოთ ტემპის დაგდებას. მაგრამ იმ ფონზე, რომ უკრაინელებს უკეთესი მოტივაცია აქვთ, პეტრეუსი უკრაინული შეტევის კიდევ უფრო წარმატებით განვითარების შანსებზე მიანიშნებს.

წყარო:https://www.washingtonpost.com/

область

სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა, შიდა ქართლში ამჟამად მიმდინარეობს 28 ბაღის მშენებლობა და რეაბილიტაცია.

შიდა ქართლის რეგიონში, კასპის მუნიციპალიტეტის სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა

დასრულებულია საბავშვო ბაღის შენობის კონსტრუქციული ნაწილის მშენებლობა, საინჟინრო სისტემების მონტაჟი და მოპირკეთების სამუშაოები

საბავშვო ბაღის ახალ შენობაში ეწყობა საძინებელი, სათამაშო, გამოსაცვლელი და ადმინისტრაციული ოთახები, სამზარეულო, სასადილო, სამრეცხაო, ლიფტი და საევაკუაციო კიბეები. ეზოებში მოეწყობა სათამაშო მოედნები

თანამედროვე სტანდარტებისა და დადგენილი ნორმების სრული დაცვით აშენებული ახალი საბავშვო ბაღის შენობა ადაპტირებულია შეზღუდული შესაძლებლობის მქონე პირთათვის და სპეციალური საგანმანათლებლო საჭიროებების მქონე აღსაზრდელებისათვის

„სოფელ ოკამში 75 ბავშვზე გათვლილი ახალი საბავშვო ბაღის მშენებლობა დასკვნით ეტაპზეა. მალე დასრულდება დარჩენილი სამუშაოები და ეზოს აღჭურვა ატრაქციონებით. ბაღში სრულად მოეწყო საინჟინრო ქსელები, ფუნქციური ოთახები, დარბაზი შემოქმედებითი განვითარებისთვის, კვების ბლოკი და ყველა სხვა აუცილებელი ინფრასტრუქტურული ელემენტი,“-ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ სოფელ ოკამის საბავშვო ბაღის მშენებლობის პროცესის მონახულების შემდეგ განაცხადა

პროექტს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი სახელმწიფო ბიუჯეტის 1.8 მილიონი ლარის დაფინანსებით ახორციელებს

2024-2025 წლებში შიდა ქართლის რეგიონში დასრულდება 24 საბავშვო ბაღის მშენებლობა და 4 ბაღის რეაბილიტაცია. მათ შორისაა, 200 აღსაზრდელზე გათვლილი საბავშვო ბაღის მშენებლობა დაბა სურამში.

более

голосование