,
საქართველოში თურქ ბიზნესმენთა ასოციაციის თავჯდომარე ოსმან თურანი “Forbes კვირასთან“ ინტერვიუში „ნამახვანჰესის“ პროექტის განხორციელებასთან დაკავშირებით ამბობს, რომ ანალოგიური სახის გამოწვევები 90-იანი წლების ბოლოს ტელეკომუნიკაციების დარგში ახალი პროექტების განხორციელების დროსაც იყო.
„როცა ეკონომიკა იზრდება, შესაბამისად, ელექტროენერგიის მოხმარება იზრდება. საქართველოს ეკონომიკის ზრდის გეგმები ასეთია და ბუნებრივია, რომ ქვეყანამ ენერგოპროექტების განხორციელების თადარიგი უნდა დაიჭიროს, მით უმეტეს როდესაც ამის რესურსი გააჩნია. ამ რესურსის გამოყენება ქვეყნის მომავლისთვის ძალიან კარგია.
90-იანი წლებში ჩემი ტელეკომუნიკაციებში ყოფნის დროს ანალოგიურ საკითხებს ხშირად ვაწყდებოდით, ამის პასუხი ხალხისთვის სწორი და კომპეტენტური ინფორმაციის მიწოდებაა. ამის ნაკლებობას ვხედავ მე აქ“, - განაცხადა ოსმან თურანმა.
კითხვას - მოქმედებს თუ არა „ნამახვანგჰესთან“ დაკავშირებული პროცესები ინვესტორების განწყობაზე, საქართველოში თურქ ბიზნესმენთა ასოციაციის ხელმძღვანელმა დადებითი პასუხი გასცა.
„როდესაც მიტინგები და პროტესტებია, შინაარსი რაც არ უნდა იყოს, შორიდან ეს ძალიან ცუდად აღიქმება. მით უმეტეს, როდესაც თურქეთსაც ეხება ეს საკითხი უფრო ყურადღებით ადევნებენ თვალს. რა თქმა უნდა, მოვლენები, რომლებიც აქ ვითარდება, ინვესტორებზე ნეგატიურად აისახება“, - უთხრა მან „Forbes კვირას“.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
