გუშინ ინდეოთის შეიარაღებულმა ძალებმა, რამდენიმე მძიმე შეცდომა დაუშვეს, რაც საჰაერო ძალებს, ავიაციაში დიდ დანაკარგებად დაუჯდა.
პირველი, ის, რომ ოპერაციის დაწყებამდე დაახლოებით 25 წუთით ადრე, ინდოეთის არმიის ოფიციალურ X-ზე დაანონსეს "დარტყმებისთვის მზადყოფნა", რითაც პაკისტანის საჰაერო ძალებს, მისცეს დიდი დრო მოსამზადებლად და ე.წ. ჩასაფრებების მოსაწყობად ინდოეთის საჰაერო ძალების მრავალფუნქციური გამანადგურებლებისთვის.
მეორე დიდი შეცდომა იყო ის, რომ ინდოეთის შეიარაღებულმა ძალებმა, კომპლექსური, სარაკეტო და საჰაერ დარტყმები განახორციელა ზედ სასაზღვრო ზოლზე მდებარე პაკისტანურ დასახლებებში, სადაც ინდოეთის თქმით განლაგებული იყო ტერორისტთა ბანაკები, მაგრამ დარტყმებისას, შორმანძილზე მოქმედი ბალისტიკური რაკეტების და საჰაერო ბაზირების ფრანგული Scalp-ის ტიპის ფრთოსანი რაკეტების გარდა, ასევე გამოყენებულ იქნა AASM-250-ის(ფრანგული) ტიპის მართვადი ავიაბომბები, რომელთა მოქმედების მანძილი, დაახლოებით 40-70 კმ-ია.
სწორედ AASM-250-ების გამოყენებამ, ინდოეთის საჰაერო ძალების ძვირადღირებული გამანადგურებლები იძულებული გახადა მიახლოვებოდნენ პაკისტანის საჰაერო სივრცეს იმ მანძილზე, საიდანაც პაკისტანის საჰაერო ძალების JF-17 Block III-ის და J-10-ის(ჩინური) ტიპის მრავალფუნქციურმა გამანადგურებლებმა, რომლებიც აღჭურვლნი არიან ASEA რადარებით და PL-15-ის ტიპის, ჩინური 200 კმ-ზე მოქმედი აქტიური რადიულოკაციური დამიზნების მქონე ჰაერი-ჰაერი კლასის რაკეტებით, შეძლეს ინდური ბორტების ჩამოგდება.
ჯერჯერობით, გავრცელებული კადრებიდან, რისი თქმაც შეგვიძლია, ინდოეთმა დაკარგა მინიმუმ 4 საბრძოლო თვითმფრინავი, მათ შორის 2 Rafale ან Mirage-2000, 1 Su-30 და ერთიც Mig-29.
პაკისტანის შეიარაღებული ძალები აცხადებს, რომ მათ ჩამოაგდეს 5 ინდური საბრძოლო თვითმფრინავი და კიდევ 5 სხვადასხვა ტიპის დრონი.
