,
ორგანული სოფლის მეურნეობა მსოფლიოში სტაბილურად იზრდება. ყოველწლიურად, შვეიცარიის ორგანული სოფლის მეურნეობის კვლევითი ინსტიტუტი FiBL (Research Institute of Organic Agriculture) აქვეყნებს სტატისტიკას „ორგანული სოფლის მეურნეობის სამყარო“, წელს უკვე 21-ე კრებული გამოვიდა.
FiBL-ის და კვლევითი კომპანია Ecovia Intelligence- ის თანახმად, ორგანული საკვების გლობალურმა ბაზარმა პირველად გადააჭარბა 100 მილიარდ დოლარს (თითქმის 97 მილიარდი ევრო).
ორგანული სოფლის მეურნეობის მოძრაობის საერთაშორისო ფედერაციის IFOAM (The International Federation of Organic Agriculture Movements) მონაცემების თანახმად, ტოპ სამეული უცვლელი დარჩა – ლიდერობს შეერთებული შტატები ბაზარზე 40,6 მილიარდი ევრო, გერმანია (10.9 მილიარდი ევრო) და საფრანგეთი (9,1 მილიარდი ევრო).
ბევრ მსხვილ ბაზარზე ორნიშნა ზრდის მაჩვენებელი დაფიქსირდა, საფრანგეთის ორგანული ბაზარი 15% -ზე მეტით გაიზარდა. დანიელმა და შვეიცარიელმა მომხმარებლებმა ყველაზე მეტი დახარჯეს ორგანულ საკვებზე (2018 წელს ერთ სულ მოსახლეზე 312 ევრო). დანიას ორგანული ბაზრის ყველაზე მეტი წილი უჭირავს მთლიანი საკვები ბაზრის 11.5% -ით.
საერთო ჯამში, მსოფლიოში ორგანულ მეურნეობა 71,5 მილიონ ჰექტარს მოიცავს, რაც 2,9 პროცენტით ან 2 მილიონ ჰექტრით მეტია წინა წლის საანგარიშო პერიოდთან შედარებით.
ორგანული მეურნეობები ყველაზე დიდ ფართობზე ავსტრალიას აქვს (35,7 მილიონი ჰა), ევროპა სიდიდით მეორეა (15.6 მილიონი ჰა), ლათინური ამერიკა (8 მილიონი ჰა) და ჩინეთი (3.1 მილიონი ჰა), ამ თვალსაზრისით ერთ-ერთი მოწინავეა არგენტინა (3.6 მილიონი ჰა).
მთელს მსოფლიოში, სასოფლო-სამეურნეო ფართობის მხოლოდ 1,5%-ია ორგანული. ამასთან, ბევრ ქვეყანას გაცილებით მაღალი მაჩვენებლი აქვს. მაგ. მთლიან სასოფლო-სამეურნეო ფართობში ორგანული წარმოების ყველაზე მეტი წილი აქვთ ლიხტენშტეინს (38,5%), სამოას (34,5%) და ავსტრიას (24,7%). თექვსმეტ ქვეყანაში, ეს მაჩვენებელი 10% ან მეტია.
წყარო:https://agrokavkaz.ge/agronews/organuli-sakvebis-globalurma-bazarma-100-miliards-gadaatcharba.html
დღგ-ის გადახდისგან თავის არიდება რთულდება - საქმე ის არის, რომ 2024 წლის ოქტომბრიდან ძალაში შევიდა ფინანსთა სამინისტროს ახალი რეგულაცია, რომელიც მნიშვნელოვნად შეცვლის დამატებული ღირებულების გადასახადის (დღგ) გადახდისგან თავის არიდების მიზნით შექმნილი სუბიექტების მიმართ სახელმწიფოს დამოკიდებულებას. ეს ცვლილება განსაკუთრებულ გავლენას მოახდენს როგორც მეწარმე ფიზიკურ პირებზე (ინდივიდუალური მეწარმე, მიკრობიზნესი, მცირე ბიზნესი, ფიქსირებული გადასახადის გადამხდელი პირი), ასევე ნებისმიერ წვრილ, ქსელურ, კომპანიებზე.
რა უნდა იცოდეს ბიზნესმა აღნიშნულ ცვლილებებთან დაკავშირებით - ახალ რეგულაციასთან დაკავშირებულ დეტალებს BMG-ისთან DGN Consulting-ის საგადასახადო მენეჯერი ანა ლობჟანიძე განმარტავს.
- კონკრეტულად რას გულისხმობს ფინანსთა მინისტრის გამოცემული ახალი რეგულაცია?
- 2024 წლის ოქტომბრიდან ამოქმედდა ცვლილებები ფინანსთა სამინისტროს N996 ბრძანებაში, რომლებიც დღგ-ის გადახდისგან თავის არიდების სქემების აღკვეთისკენ არის მიმართული. გარკვეული კრიტერიუმების დაკმაყოფილების შემთხვევაში, საგადასახადო ორგანოს უფლება აქვს, რამდენიმე დამოუკიდებელი სუბიექტი განიხილოს ერთ გადამხდელ პირად და ყველა სუბიექტის შემოსავალი ერთობლივად დაბეგროს. აღნიშნული ცვლილება ეხება იმ ბიზნესებს, რომლებიც ახორციელებენ ბიზნესის დანაწევრებას, რათა არ დაუფიქსირდეთ წლიური ბრუნვა 100 000 ლარზე მეტი და ამ მიზნით არეგისტრირებენ სხვა ბიზნესსუბიექტებს, იურიდიული სუბიექტის ან ინდივიდუალური მეწარმის სახით. აღნიშნული სქემით ბიზნეს სუბიექტები თავს არიდებენ დღგ-ის გადახდას.
- რა კრიტერიუმებით იხელმძღვანელებენ საგადასახადო ორგანოები?
- თუ რამდენიმე ბიზნესი აკმაყოფილებს შემდეგ კრიტერიუმებს, მათ საგადასახადო ორგანო ერთ გადამხდელ პირად განიხილავს. კრიტერიუმები შემდეგია:
1. საქმიანობასთან დაკავშირებულ გადაწყვეტილებებს ერთი და იგივე პირი იღებს;
2. საქმიანობის ადგილი და შინაარსი იდენტურია;
3. რომელიმე სუბიექტი დღგ-ის გადამხდელად რეგისტრირებული არ არის.
ამასთანავე, განმარტებულია, თუ რა პირობებში მიიჩნევა გადაწყვეტილებები ერთი და იგივე პირის მიერ მიღებულად. მაგალითად, თუ გადაწყვეტილებები მიიღება ისეთ საკითხებზე, როგორიცაა კონტრაქტორების შერჩევა, ფასების განსაზღვრა, დასაქმების პირობები ან ინვესტიციების განხორციელება.
- როგორ იმოქმედებს ეს ცვლილებები ბიზნესზე?
- ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები. რაც შეიძლება ითვალისწინებდეს დღგ-ს გადამხდელად ნებაყოფლობით რეგისტრაციას და შესაბამისად, საქონლის/მომსახურების ფასში დღგ-ის ასახვას.
- რას ურჩევდით ბიზნესს ამ ცვლილებების გათვალისწინებით?
- ბიზნესი ყურადღებით უნდა დააკვირდეს საკუთარ საქმიანობას და დარწმუნდეს, რომ საქმიანობის პროცესში ითვალისწინებს კანონმდებლობით დადგენილ ახალ კრიტერიუმებს და მიდგომებს. ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები.
წყარო:https://bm.ge/
