USD 2.7503
EUR 3.1249
RUB 3.3429
თბილისი
«Foreign affairs» (აშშ): „ვლადიმერ პუტინისა და სი ძინპინის „უწმინდური ალიანსი“: რატომ ვერ შეძლებს დასავლეთი რუსეთსა და ჩინეთს შორის განხეთქილების ჩამოგდებას“
თარიღი:  325

ამერიკული ჟურნალი „ფორინ ეფეარსი“ (Foreign affairs) აქვეყნებს სტატიას სათაურით „ვლადიმერ პუტინისა და სი ძინპინის უწმინდური ალიანსი: რატომ ვერ შეძლებს დასავლეთი რუსეთსა და ჩინეთს შორის განხეთქილების ჩამოგდებას“ (ავტორი - ალექსანდრე გაბუევი, რუსი ოპოზიციონერი ჟურნალისტი, აშშ კარნეგის ფონდის ბერლინის ცენტრის დირექტორი).

გთავაზობთ ვრცელი პუბლიკაციის მოკლე შინაარსს:

სულ რაღაც ათი წლის წინათ ამერიკელი და ევროპელი ჩინოვნიკების უმრავლესობა აგდებულად უყურებდნენ ჩინეთ-რუსეთს შორის ჩასახულუ პარტნიორობის გრძელვადიან ხასიათს. დასავლურ დედაქალაქებში ითვლებოდა, რომ პეკინისა და მოსკოვის ახლო ურთიერთობა მოჩვენებითია და აუცილებლად ჩაიშლება, რადგანაც ორი ევრაზიული გიგანტის კავშირები ყოველთვის ასიმეტრიულია ჩინეთის სასარგებლოდ. გარდა ამისა, რუსეთსა და ჩინეთს შორის შენარჩუნებულია უნდობლობა რიგ საკითხებში, არსებობს ისტორიული სადაო პრობლემები, ისინი ერთმანეთთან კულტურის სფეროშიც დისტანცირებულნი არიან - როგორც საზოგადოებები, ისე ელიტები. ევროპელებს მიაჩნდათ, რომ როგორც არ უნდა ეცადოს ვლადიმერ პუტინი ჩინელი კოლეგის გულისხმიერი დამოკიდებულების გამოვლენას კრემლისადმი, მაინც არაფერი გამოუვა, რადგან ჩინეთი ყოველთვის უფრო მეტი სიმპათიით იქნება განწყობილი წყნარი ოკეანის მიღმა მდებარე აშშ-ისა და მისი მოკავშირეების მიმართ. პეკინს მოსკოვთან მხოლოდ სიმბოლური ურთიერთობა აქვს, კრემლს ჩინეთის გაძლიერებისა ეშინია და ა.შ.

მიუხედავად იმისა, რომ რუსეთისა და ჩინეთის პოზიციები აშკარად ერთმანეთთან დაახლოვდნენ, ვაშინგტონელი სამთავრობო ჩინოვნიკები თვლიან, რომ პეკინისა და მოსკოვის ურთიერთობას „ანგარიშიანი ქორწინების სახე აქვს“: „მე დარწმუნებული არა ვარ, რომ მათი ურთიერთობა თანასწორუფლებიან დონეზე განვითარდება. რუსეთი ჩინეთისათვის უმცროს პარტნიორად ითვლება“, - ასე განაცხადა აშშ-ის სახელმწიფო მდივანმა ენტონი ბლინკენმა კონგრესმენებთან შეხვედრისას 2023 წლის მარტში, სი ძინპინის მოსკოვში ვიზიტის ფონზე.

და მაინც, ეს სკეპტიციზმი არ ითვალისწინებს დასავლეთისთვის მნიშვნელოვან და იმავდროულად არასასიამოვნო რეალობას: ჩინეთი და მოსკოვი დღეს უფრო მეტად არიან ერთმანეთზე დამოკიდებულნი, ვიდრე ოდესმე, თვით 1950-იან წლებთან შედარებითაც კი. მათი დაახლოების პროცესი 2014 წლიდან დაიწყო, მაგრამ ახალი იმპულსი რუსეთ-უკრაინის ომის დაწყების შემდეგ მიიღო.

მიუხედავად იმისა, რომ თავდაპირველად ცისქვეშეთი ცდილობდა მომლოდინე პოზიციის დაკავებას, სხვადასხვა მრავალი მონაცემი ადასტურებს, რომ უკრაინის ომიდან დაწყებული ორი წლის განმავლობაში ჩინეთსა და რუსეთს შორის ურთიერთობა უფრო განმტკიცდა. პეკინმა და მოსკოვმა გააფართოვეს ეკონომიკური და სავაჭრო კავშირები, აგრეთვე შესამჩნევად დააუახლოვდნენ ერთმანეთს უსაფრთხოების სფეროში, გაღრმავდა სამხედრო თანამშრომლობა.

ევრაზიის კონტინენტის ორ დიდ ქვეყანას შორის ურთიერთობის დათბობა აისახება რუსეთში ჩატარებულ საზოგადოებრივ გამოკითხვებშიც, მათ შორის კარნეგის ფონდისა და „ლევადა-ცენტრის“ („უცხოეთის აგენტის“) მიერ ერთობლივად განხორციელებულშიც: 2023 წლის ბოლოს რუსების 85% ჩინეთს დადებითად აღიქვამდა, ხოლო 6% - უარყოფითად. გამოკითხულთა ნახევარზე მეტმა განაცხადა, რომ სურთ მათმა შვილებმა ჩინური ენა შეისწავლონ.

ეს ყველაფერი ბევრად არის განპირობებული რუსეთისა და ჩინეთის ლიდერების -  ვლადიმერ პუტინისა და სი ძინპინის შეგნებული ძალისხმევით, თუმცა ასევე იმითაც, რომ ის არის გვერდითი მოვლენა, რომელიც დაკავშირებულია განხეთიქლების ზრდასთან ერთი მხრივ - დასავლეთს, ხოლო მეორე მხრივ - ჩინეთ-რუსეთს შორის.

შესაბამისად, დასავლეთმა უარი უნდა თქვას თავის წარუმატებელ მცდელობებზე „სოლი ჩაასოს“ მოსკოვ-პეკინს შორის. ამის ნაცვლად ის მოემზადოს ხანგრძლივი კონფრონტაციისთვის ორ ბირთვულ სახელმწიფოსთან.

დონალდ ტრამპის პრეზიდენტობის დროს ამერიკა ჩინეთთან ურთიერთობას „ჰენრი კისინჯერის საწინააღმდეგო პროცესის“ მიხედვით განიხილავდა. იმ დროს, როცა 1970-იანი წლების დასაწყისში აშშ-ის იმდროინდელი სახელმწიფო მდივანი ჰენრი კისინჯერი კომუნისტურ ჩინეთთან დაახლოებისაკენ ისწრაფვოდა, დღეს  აშშ-ის ოფიციალური პირები არც პეკინის და მით უმეტეს, არც მოსკოვის მიმართ არ არიან კეთილად განწყობილნი. ვაშინგტონი და ბრიუსელი მოსკოვისა და პეკინის ერთმანეთისაგან დისტანცირებას ცდილობს, მაგრამ მათი ასეთი მოქმედება მხოლოდ სასურველის სინამდვილედ წარმოჩენას წარმოადგენს.

წყარო: https://www.foreignaffairs.com/china/putin-and-xis-unholy-alliance

 

 

კულტურა
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.