USD 2.7084
EUR 2.9337
RUB 2.9233
თბილისი
ოპოზიციის ერთი ნაწილის მერობის კანდიდატი თბილისში ნიკა მელია, საკრებულოს თავმჯდომარეობის კანდიდატი ელენე ხოშტარია იქნება, ვიცე მერად კი ზურაბ ჯაფარიძე განიხილება
თარიღი:  303

როგორც თბილისში, პარტიისა და ოპოზიციის ნაწილის მერობის კანდიდატმა, ნიკა მელიამ საზოგადოებისადმი მიმართვისას აღნიშნა, „ნაციონალური მოძრაობა“ მხარს მრავალპარტიული შეთანხმებით შერჩეულ კანდიდატებს დაუჭერს.

ამასთან, მელიამ განმარტა, რომ თბილისში მერობის კანდიდატი თავად იქნება, ვიცე-მერს „გირჩი - მეტი თავისუფლება“ წარადგენს, საკრებულოს თავმჯდომარეობის კანდიდატად კი ელენე ხოშტარია შეირჩა.

„ჩვენი პარტია არსად, არცერთ რაიონში არ დააყენებს მაჟორიტარ კანდიდატებს და მხარს დაუჭერს, საერთო, მრავალპარტიულ შეთანხმების კანდიდატებს...

დღეს მე და ელენე ხოშტარია გამოვდივართ, როგორც მრავალპარტიული კოალიციის წარმომადგენლები. მე, როგორც მერობის კანდიდატი ჩემი მოძრაობიდან, „გირჩი - მეტი თავისუფლება,“, რომელიც წარმოადგენს ვიცე-მერს უახლოეს მომავალში, ხოლო, ელენე, როგორც საკრებულოს თავმჯდომარეობის კანდიდატი საკუთარი მოძრაობიდან“, - განაცხადა მელიამ.

გარდა ამისა, მელიამ საკუთარ სიტყვაში დღემდე განვლილი გზა შეაჯამა და განაცხადა, რომ ის სირთულეებმა და უსამართლობამ კი არ გააბოროტა, არამედ ადამიანები უფრო შეაყვარა.

„დღეს აქ ვარ, თქვენ წინაშე და რაღა დაგიმალოთ, ძალიან მინდა ყველას გულწრფელად ჩაგხედოთ თვალებში, ყველას, განურჩევლად პოლიტიკური შეხედულებებისა, ყველას, განურჩევლად ჩემდამი დამოკიდებულებისა და ყველას, ვინც მხარს მიჭერთ და ვინც - არა. დღეს ვდგავარ თქვენ წინაშე, ასე უბრალოდ და მარტივად, დიახ, უბრალოდ და მარტივად, ქვეყანაში შექმნილი ვითარებიდან გამომდინარე, ნამდვილად ვერ მივცემთ საკუთარ თავს პომპეზური წარდგენის უფლებას. პომპეზურობის ადგილი არ არის ქვეყანაში, სადაც ჟურნალისტებს სცემენ, ვიმეორებ, სადაც ჟურნალისტებს სცემენ, პომპეზურობის ადგილი არ არის ქვეყანაში, სადაც ადამიანები ვერც სიმართლეს და ვერც სამართალს ვერ პოულობენ, პომპეზურობის ადგილი არ არის ქვეყანაში, სადაც ადამიანები კოვიდპანდემიასთან პირისპირ არიან მიტოვებულები, ამიტომაც დღეს მთავარი არის ჩვენი, ყველას სათქმელი, რომელსაც აუცილებლად მოყვება საქმე, რაც საბოლოოდ საერთო გამარჯვებით დასრულდება. დღეს ვდგავარ თქვენ წინაშე და მახსენდება, როგორი რთული იყო ჩემი გზა დღევანდელ დღემდე, მახსენდება, როგორ ვიყარე პირველად კენჭი თბილისის მერობის კანდიდატად სრულიად გამოუცდელმა, ახალგაზრდა პოლიტიკოსმა, როგორ დავუპირისპირდი მაშინ პირველად სისტემას და ჩემდა გასახარად, უამრავმა თბილისელმა დამიჭირა მხარი.

ჩემი აზრით, იმ ეტაპზე გამარჯვება იყო ხელისუფლებაში ახლადმოსული „ქართული ოცნების“ მეორე ტურამდე მიყვანა, რადგან არც მე და არც საზოგადოება არ იყო ჯერ მზად დაემარცხებინა რეჟიმი, რომელიც ჯერ კიდევ იკრეფდა ძალას და ყველასთვის ჯერ კიდევ არ იყო ცხადი, რამხელა ბოროტებასთან გვქონდა საქმე. მე არასდროს შემშინებია ბრძოლის, არა იმიტომ, რომ რაიმე განსაკუთრებული სიმამაცით გამოვირჩევი, არავითარ შემთხვევაში. არ შემშინებია იმიტომ, რომ ვიცი მართალი ბრძოლა საბოლოო ჯამში გამარჯვებით სრულდება და სწორედ ეს მეხმარება ამ ბრძოლაში, რადგან ვიცი ასევე, რომ ბოროტს საბოლოო ჯამში ძლევს კეთილი. ასევე მახსენდება, როგორ შემოვრჩით საპარლამენტო დარბაზში ერთმანეთს მე და მთელი „ქართული ოცნების“ საპარლამენტო უმრავლესობა. მომიხსნეს იმუნიტეტი, თუმცა, ვფიქრობ, მაშინ გავიმარჯვე მორალურად და ჩემი სიმართლით. შემდეგ უნდოდათ ჩემი შეზღუდვა და ბრძოლის შენელება და დამადეს სამაჯური, სამაჯურდადებული მათი აზრით, შეზღუდული და შებოჭილი ვიქნებოდი, მაგრამ სამაჯურდადებულმა, გლდანის მაჟორიტარობის კანდიდატმა, მიუხედავად ძალადობისა, მოსყიდვისა და გაყალბებისა, მაინც გავიმარჯვე გლდანში და მაშინ კიდევ ერთხელ დავრწმუნდი, რომ ბრძოლას ყოველთვის აქვს აზრი. როდესაც, ამის შემდეგ, ქართველ ხალხს მოპარეს არჩევანი, პროტესტის ნიშნად უამრავი ადამიანის წინაშე მოვიხსენი უსამართლობის სამაჯური და ვფიქრობ, მე კვლავ გავიმარჯვე უსამართლობაზე ამ ფორმით. ისევ მომიხსნეს იმუნიტეტი უკვე მეორედ და პატიმრობა მომისაჯეს, მათ დამაკარგვინეს ფიზიკური თავისუფლება, მაგრამ სინამდვილეში მოვიპოვე ნამდვილი თავისუფლება“, - განაცხადა მელიამ.

„ნაციონალური მოძრაობა“ არცერთ რაიონში მაჟორიტარ კანდიდატებს არ დააყენებს.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.