„ევროპული საქართველოს“ წევრის დავით ბაქრაძის განცხადებით, ოპოზიციური პარტიები, რომლებიც „ლეიბორისტული პარტიის“ ოფისში არიან შეკრებილნი, იმსჯელებენ რამდენიმე მნიშვნელოვან საკითხზე, მათ შორის მთავარი საკითხი 8 მარტის შეთანხმების მიმდინარეობა იქნება.
მისივე თქმით, შეთანხმება ორი ნაწილისგან შედგება და ორივე მხარე უნდა შესრულდეს.
„აბსოლუტურად ცალსახა და ერთმნიშვნელოვანი გაგება არსებობს ოპოზიციურ პარტიებში, რომ შეთანხმება შედგება ორი ნაწილისგან და ორივე ნაწილში შესრულება ნიშნავს მხოლოდ და მხოლოდ მის შესრულებას. ეს ორი ნაწილი არის პოლიტიკური დევნის ნაწილი და საარჩევნო პროპორციების ნაწილი.
იგივე გაგება და მოლოდინი არსებობს ჩვენი უცხოელი პარტნიორების მხრიდან და დღეს პოლიტიკური პარტიები კიდევ ერთხელ დავადასტურებთ, რომ სწორედ ასე ვხედავთ 8 მარტის შეთანხმების შესრულებას ორივე ნაწილში. ეს იქნება ის ნაბიჯი, რომელიც გახსნის სივრცეს ნორმალური პოლიტიკური კლიმატის და პოლიტიკური ურთიერთობის ამ ქვეყანაში. რაც შეეხება სხვა საკითხებს, ჩვენ ასევე ვიმსჯელებთ საარჩევნო მზადების საკითხებზე. გავაგრძელებთ მსჯელობას მაჟორიტარი კანდიდატების კორდინირების თემაზე, რომელიც უკვე დაწყებულია.
ასე, რომ, ძალიან ბევრი საკითხია, თუმცა მთავარი საკითხია ის ცალსახა მოლოდონი, რომელიც არსებობს ოპოზიციურ პარტიებში, რომ ხელისუფლებამ უნდა შეასრულოს 8 მარტის შეთანხმება და ეს შესრულება მოიცავს ორივე ნაწილს“, – განაცხადა ბაქრაძემ.