USD 2.7080
EUR 3.1979
RUB 3.2706
Tbilisi
“ოცნებამ” III ბრიფინგი მიუძღვნა ოპოზიციის მიერ ამომრჩეველთა “ფარულ მობილიზებას”
Date:  772
 
 

“ქართული ოცნების” ოფისში მესამე ბრიფინგი მიუძღვნეს ოპოზიციის მიერ თავისი ამომრჩევლის “ფარულად მობილიზების” საკითხს.

კახა კალაძისა და ირაკლი კობახიძის შემდეგ, შესაბამისი განცხადება მამუკა მდინარაძემ გაახმიანა. მისი თქმით, მიუხედავად გაცხადებული ბოიკოტისა, ოპოზიცია მაინც ცდილობს, ამომრჩევლები უბნებზე მიიყვანოს.

“ოპოზიციის მიერ მეორე ტურთან დაკავშირებით გაკეთებული განცხადებების მიუხედავად, ისინი მართალია ფარულად, მაგრამ მაინც ახდენენ მათი მხარდამჭერების მობილიზებას ხმის მისაცემად. შეგვიძლია, დარწმუნებით ვთქვათ, რომ პრაქტიკულად ყველა უბანთან ფიქსირდებიან მათი წარმომადგენლებიც”, – თქვა მან.

რამდენიმე საათით ადრე მსგავსი განცხადება პარტიის აღმასრულებელმა მდივანმა, ირაკლი კობახიძემაც გაახმიანა. 1 დღით ადრე კი ამ საკითხს ბრიფინგი აღმასრულებელმა მდივანმა, კახა კალაძემ მიუძღვნა.

მათ მსგავსად, მამუკა მდინარაძემაც მოუწოდა “ქართული ოცნების” მხარდამჭერებს, მივიდნენ უბნებზე და მხარი დაუჭირონ პარტიის კანდიდატებს.

“ოცნების” განცხადებებს “ტვ პირველის” ეთერში “ნაციონალური მოძრაობის” ლიდერი ხატია დეკანოიძე გამოეხმაურა და არასერიოზულად შეაფასა ბრალდებები.

“არ ვიცი, თუ შეიძლება, ამას სერიოზულად გასცე პასუხი იმიტომ, რომ ბევრჯერ გავეცით პასუხი სერიოზულად და კიდევ ერთხელ მოვუწოდებ ჩვენს ამომრჩევლებს: გუშინწინ კიდევ ერთხელ დავაფიქსირეთ, რომ არ ვიღებთ[მეორე ტურში] მონაწილეობას. მათ შორის, ჩვენი ბლოკის არცერთი კანდიდატი და ოპოზიციის არცერთი კანდიდატი.

ყველა ეთერს ვიყენებთ, რათა მოვუწოდოთ ამომრჩევლებს, რომ არ მიიღონ მონაწილეობა ამ ფარსში, რომელიც ბიძინა ივანიშვილისთვის არის სასურველი დემოკრატიის იმიტაციისთვის.

მათი ეს განცხადებები ნიშნავს მხოლოდ ერთს: მათ სურთ, რომ ლეგიტიმაცია ჰქონდეს მეორე ტურს”, – აღნიშნა მან.

დღეს, 21 ნოემბერს საქართველოს საპარლამენტო არჩევნების მეორე ტური იმართება, თუმცა მას ოპოზიცია ბოიკოტს უცხადებს, რადგან მიიჩნევს, რომ არჩევნები გაყალბდა და ცესკოს ოფიციალური მონაცემი არ ასახავს რეალობას.

tbilisi
ისნის რაიონში, ბერი გაბრიელ სალოსის გამზირზე დედაქალაქის მასშტაბით ერთ-ერთი ყველაზე დიდი, N109 საბავშვო ბაღი გაიხსნა
ახალი შენობა თბილისის მერმა კახა კალაძემ მერის მოადგილე ირაკლი ბენდელიანთან და საბავშვო ბაგა-ბაღების მართვის სააგენტოს ხელმძღვანელ კახა აბულაძესთან ერთად დაათვალიერა და ბაღის აღსაზრდელებს ახალი სააღმზრდელო წლის დაწყება მიულოცა.
 
„დღეს ბაგა-ბაღებში სააღმზრდელო პროცესი დაიწყო, რომელსაც სიახლით ვხვდებით. ისნის რაიონში აშენდა 109 ბაგა-ბაღი, რომელიც ყველაზე დიდია დედაქალაქში. მას შეუძლია, მოემსახუროს 600-მდე აღსაზრდელს. დღეის მდგომარეობით, ბაღში 470 პატარაა რეგისტრირებული. კიდევ ერთი სიახლე ისაა, რომ ბაღებში აღრიცხვიანობა ელექტრონულად იქნება შესაძლებელი, რაც კიდევ უფრო კომფორტულია. მინდა, მივულოცო პატარებს და პედაგოგებს სააღმზრდელო პროცესის დაწყება.
 
რაც შეეხება ინფრასტრუქტურას, ძალიან კარგი პროექტი გამოვიდა, სადაც ყველა დეტალს განსაკუთრებული ყურადღება ეთმობა - დაწყებული სათამაშოებიდან დასრულებული თეთრეულამდე. მოთხოვნილია საერთაშორისო სერტიფიკატები ყველა პროდუქტზე, რომ უნდა იყოს ხარისხიანი და პრობლემას არ უნდა წარმოადგენდეს. რა თქმა უნდა, ყველა პირობა დაცულია. მსგავსი ტიპის პროექტების განხორციელებას განვაგრძობთ. ქალაქს ახალაშენებული ბაღები კიდევ შეემატება, ძველებს კი შესაბამისი სამუშაოები ჩაუტარდება, რათა ჩვენს შვილებს, პატარებს ჰქონდეთ ყველანაირი პირობა სწავლა-განათლებისთვის“, - განაცხადა კახა კალაძემ.
 
საბავშვო ბაგა-ბაღების მართვის სააგენტოს ხელმძღვანელმა დედაქალაქის მერს ბავშვთა ციფრული აღრიცხვიანობის ახალი სისტემა გააცნო, რომელიც 15 სექტემბრიდან საპილოტე რეჟიმში ქალაქის 10 საბავშვო ბაღში ამუშავდა, წლის ბოლომდე კი სისტემაში ყველა ბაღი ჩაერთვება. პროგრამის წარდგენისას ქალაქის მერს აღრიცხვიანობის სიმბოლური ბარათიც გადასცეს.
 
ბერი გაბრიელ სალოსის გამზირზე მდებარე N109 საბავშვო ბაღის 20-ჯგუფიანია და 600-ზე მეტ ბავშვს მოემსახურება. ბაღი მოწყობილია ბავშვთა სკოლამდელი განათლების კუთხით არსებული ყველა ადგილობრივი და საერთაშორისო სტანდარტების შესაბამისად - უზრუნველყოფილია ბავშვთა უსაფრთხოება ხანძარსაწინააღმდეგო და ვიდეოსამეთვალყურეო სისტემებით, საევაკუაციო კიბეებით, ლიფტით შშმ პირთათვის და ასევე, ტექნიკური ლიფტით სამზარეულოს პერსონალისთვის. ბაღს აქვს სათამაშო მოედნები და ტერასა სპორტული აქტივობებისთვის. ბაგა-ბაღის მშენელობა და აღჭურვა დედაქალაქის ბიუჯეტიდან 8 მილიონი ლარით დაფინანსდა.
 
N109 ბაღის დემონტაჟი მისი ავარიულობის გამო განხორციელდა, მის ნაცვლად კი ახალი შენობის მშენებლობა დაიგეგმა. სააგენტოს ხელმძღვანელმა ქალაქის მერს რეაბილიტაციამდე არსებული მდგომარეობის ამსახველი ფოტომასალა აჩვენა.
 
ადგილზე, დედაქალაქის მერთან ერთად, ისნის რაიონის გამგებლის მოვალეობის შემსრულებელი გიორგი რჩეულიშვილი, რაიონის მაჟორიტარი დეპუტატი კახა ლაბუჩიძე და პარლამენტის დელეგატი ნიკა ელისაშვილი იმყოფებოდნენ.
See all
Survey
ვინ გაიმარჯვებს რუსეთ - უკრაინის ომში?
Vote
By the way