,
აშშ-ის გაზეთი „პოლიტიკო“ (Politico) თავის ევროპულ ვერსიაში (იბეჭდება ბრიუსელში), აქვეყნებს სტატიას სათაურით „ევროპარლამენტის დეპუტატები თვლიან, რომ ექს-პრეზიდენტ მიხეილ სააკაშვილისადმი მკაცრი მოპყრობა საქართველოს ევროკავშირში გაწევრიანების ოცნებას საფრთხეს უქმნის“ (ავტორი - ნიკოლა კამუტი).
პუბლიკაციაში გადმოცემულია ევროოპარლამენტის მიერ მიღებული რეზოლუციის შინაარსი და ხაზგასმულია, რომ ყოფილი პრეზიდენტის მიხეილ სააკაშვილის მდგომარეობაზე ბევრად იქნება დამოკიდებული საქართველოს ევრონტეგრაციული პერსპექტივა. ის ფაქტი, რომ მიხეილ სააკაშვილის მდგომარეობა არ უკეთესდება, საქართველოს რეპუტაციას ზიანს აყენებს და ხელს შეუშლის იმას, რომ ქვეყნამ ევროკავშირის წევრობის კანდიდატის სტატუსი მიიღოს“, - ნათქვამია რეზოლუციაში, რომელიც ხმების უმრავლესობით იქა მიღებული - 577 „მომხრე“ იყო, 33 „წინააღმდეგი“ და 26 დეპუატატმა თავი შეიკავა.
„თუ მიხეილ სააკაშვილი პატიმრობის პერიოდში გარდაიცვლება, ეს დიდი დარტყმა იქნება ქართული დემოკრატიისა და საქართველოს საერთაშორისო რეპუტაციის მიმართ“, - აღნიშნულია დოკუმენტში.
საქართველომ განაცხადი ევროკავშირში მიღებაზე გასული წლის მარტში წარადგინა, მოლდოვასა და უკრაინასთან ერთად. მაგრამ პირველისა და მეორისაგან განსხვავებით, მას კანდიდატის სტატუსი არ მიანიჭეს - საქართველოს მოუწევს რამდენიმე რეფორმის გატარება, ქვეყნის სასამართლო სისტემის დამოოუკიდებლობის განმტკიცების ჩათვლით.
საქარტველოში ევროკვშირში გაწევრიანების იდეა საზოგადოების უდიდესი ნაწილის მხარდაჭერით სარგებლობს, მაგრამ მმართველმა პარტიამ „ქართულმა ოცნებამ“, რომელიც ხელისუფლებაში 2012 წლიდან იმყოფება, ვერ შეძლო ევროპული სწრაფვისადმი ერთგულება, რაც ბევრს ეჭვიან კითხვას უჩენს - ხომ არ უწყობს ხელს და აქეზებს რუსეთს „ქართული ოცნება“ თავისი მოქმედებით, საკუთარი ევროპული პერსპექტივის საზიანოდ?
მიხეილ სააკაშვილი2021 წელს დააპატიმრეს, როცა იგი უკრაინიდან საქართველოში დაბრუნდა, შვიდი წლის ნებაყოფლობითი დევნილობის შემდეგ. მას ბრალად ხელისუფლების ბოროტად გამოყენება წაუყენეს. პროდასავლური კურსის გამტარებელი ყოფილი პრეზიდენტი მას შემდეგ პატიმარია და აცხადებს, რომ მის მიმართ წაყენებული ბრალდებებეი პოლიტიკურად არის მოტივირებული.
მიხეილ სააკაშვილი თბილისის სასამართლოს სხდომის დროს ვიდეომიმართვის ჩვენებისას საკმაოდ ავადმყოფურად გამოიყურებოდა და ძალიან დასუსტებული ადამიანის შთაბეჭდილებას ტოვებდა. ცოტა ხნით ადრე სასამართლომ უარყო მისი აპელაცია ჯანმრთელობის მდგომარეობის გამო პატიმრობიდან გათავისუფლების თაობაზე.
საქართველოს მთავრობა, ირაკლი ღარიბაშვილის პრემიერ-მინისტრობით, სულ უფრო მეტ საერთაშორისო დიპლომატიურ ზეწოლას განიცდის - როგორც ევროკავშირის, ასევე აშშ-ის მხრიდან, მიხეილ სააკაშვილის ჯანმრთელობის პრობლემების მოსაგვარებლად.
პოლონეთმა და უკრაინამ შესთავაზეს საქართველოს, რომ მიხეილ სააკაშვილს უმკურნალებდნენ, მაგრამ ქართული ხელისუფლება დღემდე უარს აცხადებს პატიმრის გათავისუფლებაზე: ოფიციალური თბილისის აზრით, ასეთი ნაბიჯი ქვეყნის დესტაბილიზაციას მოახდენს.
შესწორება, რომელიც ეცროპარლამენტმა რეზოლუციაში უკანასკნელ წუთს შეიტანა, ასევე ხმების უმრავლესობით იქნა მიღებული (მაგრამ შედარებით უფრო ნაკლებით, ვიდრე მთლიანი დოკუმენტი). შესწორებაში ცალკეა გამოყოფილი ბიძინა ივანიშვილის - ოლიგარქისა და ქვეყნის ყოფილი პრემიერ-მინისტრის საკითხი, როგორც პასუხისმგებელი პირისა, რომლის გამოც მიხეილ სააკაშვილი პატიმრობაშია - ბიძინა ივანიშვილი ექს-პრეზიდენტის მიმართ „პირად ვენდეტას“ ახორციელებს.
მიუხედავად იმისა, რომ ბიძინა ივანიშვილი პოლიტიკით აღარ არის დაკავებული, იგი, რომელმაც ქონება 1990-იან წლებში რუსეთში დააგროვა, პოლიტიკური წრეების საერთო აზრით, პфტარა კავკასიურ რესპუბლიკას „ძაფებით“ მართავს.
მოამზადა სიმონ კილაძემ
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
