,
რუსეთის საოკუპაციო ომს უკრაინის წინააღმდეგ არავითარი გამართლება არ აქვს, პუტინი ამ ომს ერთი - უკრაინის ხელში ჩაგდების მიზნით აწარმოებს, - ამის შესახებ გერმანიის კანცლერმა, ოლაფ შოლცმა ნიუ-იორკში, გაერო-ს გენერალურ ასამბლეაზე სიტყვით გამოსვლისას განაცხადა.
შოლცმა გაერო-ს წევრ ქვეყნებს მიმართა, არსებულ სიტუაციაში ნეიტრალურობას ნუ გამოიჩენენ.
„არ უნდა ვიდგეთ გულგრილად, როდესაც კბილებამდე შეიარაღებული ბირთვული ძალა - გაერო-ს დამფუძნებელი წევრი და გაერო-ს უშიშროების საბჭოს მუდმივი წევრი - ძალადობის გამოყენებით საზღვრების შეცვლას ცდილობს“, - აღნიშნა შოლცმა სიტყვით გამოსვლისას.
გერმანიის კანცლერმა ხაზი გაუსვა წესებზე დაფუძნებული მსოფლიო წესრიგის დაცვის მნიშვნელობას.
”წესებზე დაფუძნებული მსოფლიოს ალტერნატივა არის ძლიერის ბატონობა სუსტზე. იმპერიალიზმის დაბრუნება კატასტროფაა არა მხოლოდ ევროპისთვის, არამედ კატასტროფაა ჩვენი გლობალური სამშვიდობო წესრიგისთვის. მნიშვნელოვანია, რომ აქ, ამ დარბაზში 141-მა ქვეყანამ კატეგორიულად დაგმოს რუსეთის საოკუპაციო ომი“, - აღნიშნა ოლაფ შოლცმა.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
