,
ოკუპირებული ცხინვალის ცენტრში, თეატრალურ მოედანზე, პარტია „ერთიანი ოსეთის“ ორგანიზებით მასობრივი საპროტესტო აქცია გაიმართა, რომლის მონაწილეებიც მილიციის იზოლატორში დაღუპული 28 წლის ინალ ჯაბიევის საქმის სამართლიან გამოძიებას მოითხოვდნენ და ე.წ. ოპოზიციას ამ ტრაგედიით სპეკულირებისგან თავის შეკავებისკენ მოუწოდებდნენ.
ადგილობრივი მედიის ინფორმაციით, აქციას, სახელწოდებით „კანონისა და სამართლიანობისთვის“ ე.წ. ხელისუფლების წარმომადგენლებიც დაესწრნენ. მონაწილეებს სიტყვით დე ფაქტო „პრეზიდენტმა“ ანატოლი ბიბილოვმაც მიმართა და განაცხადა, რომ ყველა, ვისაც ჯაბიევის სიკვდილში ბრალი მიუძღვის, ციხეში აღმოჩნდება.
„ყველა მთელი სიმკაცრით დაისჯება და ციხეში ჩაჯდება. მათ კი, ვინც ფიქრობს, რომ ამ ტრაგედიას გამოიყენებს, უკანონობას შექმნის და ძალაუფლებას ხელში ჩაიგდებს, მინდა, ვუთხრა, რომ არ გამოუვა, იმიტომ, რომ ოსეთში კანონი და კონსტიტუცია დომინირებს,“- აღნიშნა ბიბილოვმა.
შეგახსენებთ, ოკუპირებულ ცხინვალის რეგიონში საპროტესტო გამოსვლები რამდენიმე დღეა მიმდინარეობს. პროტესტი ცხინვალის მილიციის იზოლატორში 28 წლის ინალ ჯაბიევის დაღუპვას მოჰყვა, რომელიც მისი ახლობლების მტკიცებით, წამებითაა მოკლული. აქციის მონაწილეებს მხარს უჭერენ ე.წ. ოპოზიციური პარტიების წარმომადგენლები, რომლებიც დე ფაქტო პრეზიდენტის - ანატოლი ბიბილოვისა და ე.წ. გენერალური პროკურორის ურუზმაგ ჯაგაევის გადადგომას, ძალოვანი უწყებების ძირეულ რეფორმირებასა და ინალ ჯაბიევის მკვლელობაში მონაწილე პირების უმკაცრესად დასჯას მოითხოვენ.
პროტესტის ფონზე ბიბილოვმა ჯერ ე.წ. შსს მინისტრი იგორ ნანიევი გაათავისუფლა პოსტიდან, შემდეგ კი ოკუპირებული ცხინვალის რეგიონის ე.წ. პრემიერ-მინისტრი ერიკ ფუხაევი.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
