,
ოკუპირებული აფხაზეთის რესპუბლიკაში სამხრეთის სამხედრო ოლქის სადაზვერვო ქვედანაყოფების სამხედროებმა პირობითი მოწინააღმდეგის სამთო-სატყეო რაიონში ჩასაფრებული სადივერსიო-სადაზვერვო ჯგუფები გაანადგურეს. განცხადებას სამხრეთის სამხედრო ოლქის პრესსამსახური ავრცელებს.
წვრთნის მსვლელობისას სამხედროებმა "გროტ-მ"-ის თანამედროვე ციფრული კავშირგაბმულობის და ნავიგაციის სისტემების და ასევე "სტრლეც"-ის დაზვერვის და კავშირგაბმულობის კომპლექსების გამოყენებით მწყობრიდან გამოიყვანეს პირობითი მოწინააღმდეგის კომუნიკაციები, განახორციელეს სადივერსიო-სადაზვერვო ჯგუფების შესაძლო მარშრუტებისა და დისლოკაციის რაიონების დაზვერვა. ჩართული იყო ჯავშანტექნიკაც.წვრთნები ცაბალის პოლიგონზე ჩატარდა და მასში 100-ზე მეტმა სამხედრომ მიიღო მონაწილეობა. ასევე გამოიყენეს სამხედრო ტექნიკის 30 ერთეული, მათ შორის სადაზვერვო მანქანები, ჯავშანტრანსპორტიორი БТР-82АМ, ჯავშანმანქანები "ტიგრი" და კამაზ "მუსტანგი", საიმიტაციო ჭურვები ИМ-120, სასიგნალო რაკეტები და ფუჭი საბრძოლო მასალა.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
