,
ეგვიპტის პრეზიდენტის ადმინისტრაციამ და საგარეო საქმეთა სამინისტრომ კატეგორიულად უარყვეს, რომ სასამართლოს ოთხშაბათის გადაწყვეტილების შემდეგ წმინდა ეკატერინეს მონასტრის სტატუსი შეიცვლება.
ეგვიპტის პრეზიდენტმა ხუთშაბათს გვიან გავრცელებულ განცხადებაში კიდევ ერთხელ დაადასტურა სრული ერთგულება მონასტრის „უნიკალური და წმინდა რელიგიური სტატუსის“ შენარჩუნებისა და მისი დარღვევის თავიდან აცილების მიმართ.
„რესპუბლიკის პრეზიდენტს სურს დაადასტუროს თავისი სრული ერთგულება უნიკალური და წმინდა რელიგიური მემკვიდრეობის შენარჩუნების მიმართ.“- ნათქვამია ოფიციალურ განცხადებაში.
ხუთშაბათს, უფრო ადრე, საგარეო საქმეთა სამინისტროს წარმომადგენელმა, ახლო აღმოსავლეთის საინფორმაციო სააგენტოს (MENA) კითხვის საპასუხოდ, „ხაზი გაუსვა უდიდეს მნიშვნელობას, თავიდან იქნას აცილებული ნებისმიერი ზიანის მიყენება ეგვიპტესა და მეგობარ საბერძნეთის რესპუბლიკას შორის არსებულ მჭიდრო, ძმურ და ისტორიულ ურთიერთობებისთბის, რომლებიც საუკუნეების განმავლობაში არსებობდა“, იტყობინება MENA.
წმინდა ეკატერინეს მონასტრის მიმდებარე მიწებთან დაკავშირებით 28 მაისს გამოტანილი სასამართლო გადაწყვეტილებისა და მონასტრის და მასთან დაკავშირებული მიწების კონფისკაციის შესახებ გავრცელებულ ინფორმაციასთან დაკავშირებით, ახლო აღმოსავლეთის საინფორმაციო სააგენტოს მიერ დასმულ შეკითხვაზე პასუხად, ეგვიპტის საგარეო საქმეთა სამინისტროს პრესსპიკერმა განმარტა, რომ ასეთი ბრალდებები სრულიად უსაფუძვლოა და სასამართლოს გადაწყვეტილების სრული ტექსტის განხილვის შემდეგ, ირკვევა:
პირველი - წმინდა ეკატერინეს მონასტერი, მასთან დაკავშირებული არქეოლოგიური ძეგლები, მისი სულიერი ღირებულება, რელიგიური მნიშვნელობა და მონასტერთან დაკავშირებული სასაფლაოები არ ირღვევა. პრესსპიკერმა დაადასტურა, რომ ეს სასამართლო გადაწყვეტილება წარმოადგენს პირველ შემთხვევას, როდესაც მონასტრის სამართლებრივი სტატუსი დარეგულირდა, მისი წმინდა სტატუსის შენარჩუნების ცალსახა დადასტურებით.
მეორე - მიუხედავად იმისა, რომ არსებობს რამდენიმე დამატებითი ადგილი, რომელთათვისაც ადგილობრივ ხელისუფლებასთან კონტრაქტები გაფორმდა - მიუხედავად იმისა, რომ ისინი ბუნებრივ ნაკრძალებად კლასიფიკაციისა, სასამართლოს გადაწყვეტილებით, მონასტრის სულიერი და რელიგიური ღირებულების აღიარებით, დამტკიცდა მონასტრის ბერების უფლება, ისარგებლონ ამ ტერიტორიებით, ასევე რეგიონში არსებული რელიგიური და არქეოლოგიური ძეგლებით.
მესამე - სასამართლო გადაწყვეტილებაში ნაკრძალის ფარგლებში მონასტრიდან სრულიად დაშორებული და დაუსახლებელი ტერიტორიების არსებობაზე იყო მითითებული, რომელთა საკუთრების, ან ფლობის დამადასტურებელი დოკუმენტები არ არსებობს. შესაბამისად, ეს მიწები სახელმწიფო საკუთრებად ითვლება.
პრესსპიკერმა ხაზი გაუსვა ინფორმაციის გადამოწმების აუცილებლობას და სასამართლო გადაწყვეტილების სრული ტექსტის განხილვამდე მცდარი და ნაადრევი გადაწყვეტილებების გამოტანისგან თავის შეკავებას.
მან ასევე ხაზი გაუსვა დახურვისთვის რაიმე ზიანის მიყენების თავიდან აცილების უდიდეს მნიშვნელობას."
გუშინ საბერძნეთის მთავრობის წარმომადგენელმა პავლოს მარინაკისმა კიდევ ერთხელ დაადასტურა საბერძნეთის პრემიერ-მინისტრ კირიაკოს მიცოტაკისის ერთგულება მონასტრის ბერძნული მართლმადიდებლური იდენტობის დაცვის მიმართ.
„როგორც კი სასამართლოს გადაწყვეტილების ოფიციალური და სრული შინაარსი ცნობილი და შეფასებული იქნება, ოფიციალური პოზიციაც ჩამოყალიბდება“, - განაცხადა 29 მაისს მარინაკისმა.
საბერძნეთის საგარეო საქმეთა მინისტრი, გიორგი გერაპეტრიტი, დაუკავშირდა თავის ეგვიპტელ კოლეგას, ბადრ აბდელატის, რათა კიდევ ერთხელ გაემეორებინა საბერძნეთის პოზიცია, რომ მონასტრის სტატუსთან დაკავშირებით ორივე ქვეყნის მიერ მიღწეულ საერთო შეთანხმებასთან დაკავშირებით „გადახვევის ადგილი არ არსებობს“.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
