,
ნუცუბიძის II მიკრორაიონში, ჟღენტის ქუჩაზე, დასასვენებელი სივრცის რეაბილიტაცია გრძელდება. მიმდინარე სამუშაოები თბილისის საკრებულოს თავმჯდომარემ და ვაკის რაიონის მაჟორიტარმა გიორგი ტყემალაძემ რაიონის გამგებელთან, დავით კვინიკაძესთან, ერთად დაათვალიერა.
როგორც გიორგი ტყემალაძემ განაცხადა, აქტიურად მიმდინარეობს დასასვენებელი და გამაჯანსაღებელი სივრცეების შექმნა და არსებულის რეაბილიტაცია-განახლება.
„ვაკის რაიონში, ნუცუბიძის II მიკრორაიონში, ჟღენტის ქუჩაზე, სარეკრეაციო სივრცის რეაბილიტაცია დაიწყო. უკვე განხორციელდა დაზიანებული ინვენტარის დემონტაჟი და მიმდინარეობს მოწესრიგებისა და კეთილმოწყობის სამუშაოები. უახლოეს მომავალში დამონტაჟდება ახალი განათება, მოეწყობა სპორტული ზონა და საბავშვო მოედანი“- განაცხადა გიორგი ტყემალაძემ.
პროექტის თანახმად, ამ დროისთვის რამდენიმე სივრცის განახლება-მოწესრიგება და კეთილმოწყობის სამუშაოები მიმდინარეობს. ეწყობა საბავშვო მოედანი და იგება ფილები. სამუშაოების შედეგად 1300-ზე მეტი კვ. მ ფართობის სკვერი რეაბილიტირდება. პროექტის დასკვნით ეტაპზე კი დასასვენებელი სივრცის გამწვანების სამუშაოები განხორციელდება.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
