,
ნობელის პრემიის 40-მა ლაურეატმა ხელი მოაწერა ღია წერილს, რომელშიც მსოფლიო ლიდერებს მოუწოდებენ გაზარდონ მხარდაჭერა უკრაინის მიმართ და არ აღიარონ ვლადიმერ პუტინი რუსეთის კანონიერად არჩეულ პრეზიდენტად.
"პუტინის რეჟიმმა აჩვენა, რომ ის პირდაპირ და აშკარა საფრთხეს უქმნის მთელ კაცობრიობას"- ნათქვამია გამოცემა T-Invariant-ის მიერ გამოქვეყნებულ წერილში, რომელშიც ასევე აღნიშნულია, რომ უკრაინაში ომი და ოპოზიციონერ ალექსენი ნავალნის მკვლელობა საფრთხეს ახალ დონეზე აყენებს, რადგან პუტინის რეჟიმი ვეღარ ხედავს რაიმე შეზღუდვას ადამიანის უფლებებისა და საერთაშორისო ნორმების დარღვევაზე.
თუ მსოფლიო ლიდერები უარს იტყვიან პუტინის ხელახლა არჩეულ პრეზიდენტად აღიარებაზე, ეს "მსოფლიოს ძლიერ სიგნალს გაუგზავნის, რომ ის აღარ შეიძლება ჩაითვალოს "პარტნიორად", - ამბობენ მეცნიერები.
ისინი ასევე მოითხოვენ უკრაინის დახმარების მნიშვნელოვან გაზრდას, რომელმაც "უნდა მოიგოს და არა უბრალოდ "არ წააგოს" ომში, ასევე რუსეთის დემოკრატიული ოპოზიციის მხარდაჭერას, რუსების, რომლებსაც თავშესაფარი სჭირდებათ ომის საწინააღმდეგო პოზიცის გამო, ასევე, რუსეთის დემოკრატიული ანტიპუტინური ორგანიზაციების, მათ შორის დამოუკიდებელი მედიის.
ხელმომწერთა შორის არიან მეცნიერები, ეკონომისტები და მწერლები, მათ შორის არიან ბელარუსი სვეტლანა ალექსიევიჩი და უკრაინელი უფლებადამცველი ალექსანდრა მატვიჩუკი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
