,
ინგლისის პრემიერლიგის კლუბმა ნიუკასლ იუნაიტედმა ოფიციალურად გამოაცხადა დინამო თბილისის თინეიჯერი ფორვარდის, ვახტანგ სალიას ტრანსფერი. დინამოს ფორვარდი “კაჟკაჭებს” 2025 წლის აგვისტოში შეუერთდება, როცა 18 წლის გახდება. მანამდე ვახტანგი საქართველოს მრავალგზის ჩემპიონის განკარგულებაში დარჩება.
პოლ მიტჩელი (ნიუკასლის სპორტული დირექტორი): “გახარებულები ვართ, რომ რამდენიმე ტოპკლუბს ვაჯობეთ და ვახტანგი გავიფორმეთ. ახალი ტალანტების მოძიება და მათი გადმობირება, აუცილებელი რგოლია, თუ გვსურს კლუბს მდგარდი, წარმატებული მომავალი ჰქონდეს. მით უფრო, ბაზარზე არსებული ულმობელი კონკურენციის გათვალისწინებით. ასე რომ, ჩვენ ვაგრძელებთ ძიებას, როგორც ქვეყანაში, ისე საზღვარგარეთ. ვეძებთ ფეხბურთელებს, რომლებიც იდეალურად შეეწყობიან მომავალში პირველ გუნდს. ჩვენ მოუთმენლად ველით, როდის დავიწყებთ ვახტანგთან ერთად მუშაობას, მანამდე კი მას წარმატებას დინამო თბილისის რიგებში ვუსურვებთ”.
მიმდინარე სეზონში 17 წლის სალია ქვეყნის ყველაზე ტიტულოვანი კლუბის ერთ-ერთი ლიდერია. ფერდინანდ ფელდჰოფერის გუნდი კარგად არ გამოიყურება, თუმცა სალია ეფექტური თამაშითა და მეტოქის საჯარიმოში შექმნილი მომენტების სიმრავლით მაინც გამოირჩევა.
ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.
„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.
დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589
ვიდეო ინსტრუქცია:
https://www.youtube.com/watch?v=9iMXptuh5ro
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299
საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.
