,
რადგან ჩვენი ოპონენტები არ გეტყოდნენ მადლობას, იმისათვის, რომ სანქციების მონიტორინგის ჯგუფმა ქვეყნისათვის უმნიშვნელოვანესი დასკვნა დადო იმის შესახებ, რომ საქართველოს ყველანაირი მექანიზმი აქვს შემუშავებული, რათა სანქციების გვერდის ავლის რისკების იდენტიფიცირება მოახდინოს და არ გახდეს ამის ხელშემწყობი ქვეყანა, მე გეტყვით ამისთვის მადლობას - თქვენ და თქვენს სამთავრობო გუნდს, რომ ძალიან კარგად აწყობილი სისტემაა და დიდი ძალისხმევაა ჩადებული, რომ ქვეყანას არ მიადგეს ჩრდილი და არ გახდეს რეპუტაციული ან სხვა სახის ზიანის მსხვერპლი, მიუხედავად ოპოზიციის წევრების დიდი ძალისხმევისა , - ასე მიმართა უმრავლესობის წევრმა, აგრარულ საკითხთა კომიტეტის თავმჯდომარემ, ნინო წილოსანმა პრემიერ-მინისტრ ირაკლი ღარიბაშვილს პარლამენტის პლენარულ სხდომაზე.
ნინო წილოსანის თქმით, გამაოგნებელი იყო ოპოზიციის მხრიდან პირველ პირში დაზუსტებით მტკიცება, რომ საქართველო აპრიორი არის სანქციების თავის არიდების ხვრელი.
„რადგან აქ ოპონენტები სათანადოდ ვერც მშვიდობას აფასებენ და კმაყოფილებას არც ამაზე გამოხატავენ, უფრო მეტიც, ყველაფერს აკეთებენ, რომ ბომბები გვეცემოდეს თავზე, მე გეტყვით ჩვენი მოსახლეობის 80 პროცენტის სახელით მადლობას, რომ შევძელით - თქვენ და ყველამ ერთად მშვიდობის უზრუნველყოფა იმ პირობებში, როცა ირგვლივ 2022 წლიდან მოყოლებული ცეცხლის ალში ვართ გახვეული და ამ პირობებში ძალიან რთულია დაიცვა სამშობლო განადგურებისგან, ჩვენი შიდა თუ გარე გამოწვევების მიუხედავად, ეს შევძელით",- განაცხადა ნინო წილოსანმა.
მისი თქმით, ოპონენტები ასევე არ აღნიშნავდნენ, რომ ქვეყნის ეკონომიკური განვითარება წლიდან წლამდე უფრო მაღალ სტანდარტს აღწევს და ზედიზედ მეორე წელს მიღწეულია ორნიშნა ეკონომიკური ზრდა.
მისივე განცხადებით, 2022 წელს სიღარიბემ ისტორიულ მინიმუმს მიაღწია და ასევე ისტორიულ მინიმუმზეა უმუშევრობაც.
„სოფლის მეურნეობაში - 2022 წელს აგრობიზნესის პროდუქციის (პირველადი და გადამუშავებული პროდუქცია) გამოშვებამ 15.2 მილიარდი ლარი შეადგინა. ამ მიმართულებით ზრდა იმაზე უფრო დიდია, ვიდრე ზოგადად ეკონომიკური ზრდა, რადგან 2021 წელთან შედარებით, 14%-ით გაიზარდა. გადამამუშავებელი და შემნახველი საწარმოების თანადაფინანსების პროექტის ეგიდით, გასულ წელს გაფორმდა 44 ხელშეკრულება, 57 მილიონ ლარის მოცულობით" , - აღნიშნა ნინო წილოსანმა.
თბილისის მერია გადასასვლელ ხიდთან, ცოტნე დადიანისა და სადგურის მოედნის დამაკავშირებელი ესტაკადის მშენებლობას გეგმავს. ახალი ინფრასტრუქტურული პროექტი 2026 წლის ბიუჯეტში უკვე გათვალისწინებულია და მასზე მომდევნო წელს 10 მილიონი ლარი დაიხარჯება, 2027 წელს კი დამატებით 87.5 მილიონი ლარი. მთლიანობაში 280-მეტრიანი ესტაკადის პროექტირება-მშენებლობის წინასწარი სავარაუდო ღირებულება 100 მილიონ ლარს შეადგენს. პროექტზე საგზაო მარშრუტის კვლევაზე 2025 წელს უკვე 2.5 მილიონი ლარი დაიხარჯა.
2026 წლის ბიუჯეტის განმარტებით ბარათში მითითებულია, რომ სარკინიგზო მაგისტრალი ქალაქის ცენტრალურ მონაკვეთს ყოფს იმგვარად, რომ მოედნის პარალელურად არსებულ ქუჩებს შორის დაკავშირებადობა მინიმალურია და აუცილებელია საზოგადოებრივი ტრანსპორტისთვის ახალი ინფრასტრუქტურის შექმნით ქალაქის უბნების დაკავშირებადობა გაუმჯობესდეს.
"ქალაქ თბილისის ცენტრში არსებული რკინიგზის კორიდორი და თანმდევი ინფრასტრუქტურა ქმნის 4-კილომეტრიან მონაკვეთს აღმოსავლეთ-დასავლეთ სატრანსპორტო კავშირის გარეშე, გარდა შეზღუდული რაოდენობის საფეხმავლო კავშირებისა. ეს ისტორიული დაბრკოლება ხელს უშლის თბილისის სატრანსპორტო გეგმის პრიორიტეტებისკენ მისწრაფებას. სადგურის მოედანი მდებარეობს აღნიშნულ ამ 4-კილომეტრიან მონაკვეთში. ის წარმოადგენს დედაქალაქის უმნიშვნელოვანეს სატრანსპორტო „ჰაბს“, სადაც თავს იყრის 61 ავტობუსის მარშრუტი, მეტროს 2 ხაზი, ისევე როგორც საქართველოს რკინიგზის სერვისები. ტერიტორია ემსახურება საათში 330 ავტობუსის სერვისს, საიდანაც მომავალში 150 გამოიყენებს ხიდს. თბილისის სატრანსპორტო გეგმის თანახმად, სადგურის მოედანი ასევე იქნება თბილისის საგარეუბნო რკინიგზის სერვისების თავმოყრის წერტილი, რაც კიდევ უფრო მნიშვნელოვანს გახდის მისი, როგორც სატრანსპორტო ჰაბის ფუნქციას. ამჟამინდელი მდგომარეობით, აღმოსავლეთ-დასავლეთ კავშირის არარსებობა აფერხებს მაღალი ხარისხის ჰაბის განვითარებას, ხშირად 22 ავტობუსის მარშრუტის შეწყვეტა ხდება ვადაზე ადრე ან ახორციელებენ 1.5 კილომეტრიანი შემოვლითი მგზავრობას, რომელიც მნიშვნელოვნად ზრდის გადაადგილების დროს, ჰაერის დაბინძურებასა და ვიბრაციას, ისევე როგორც ამცირებს მარშრუტების ხარჯეფექტიანობას. თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევამ, რომელიც მსოფლიო ბანკის დახმარებით ჩატარდა, მულტიკრიტერიუმიანი ანალიზის საშუალებით, გამოავლინა თბილისის ცენტრში არსებული რკინიგზის ხაზის ორ მხარეს (აღმოსავლეთ და დასავლეთ) შორის ახალი კავშირის შექმნის საუკეთესო ალტერნატივა - საზოგადოებრივი ტრანსპორტის პრიორიტეტის მქონე საავტომობილო ხიდი, დადიანის ქუჩასა და სადგურის მოედანს შორის. ქ. თბილისის მუნიციპალიტეტის მერია ფლობს თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევის საფუძველზე შექმნილ ანგარიშს, კონცეფციას. პროექტის მიზანი არის, ამ კონცეფციით განსაზღვრული, საავტომობილო ხიდის მშენებლობა.
აღნიშნული ობიექტი წარმოადგენს საავტომობილო ხიდს ქალაქ თბილისში, რომელიც დააკავშირებს სადგურის მოედანს დადიანის ქუჩასთან და იქნება 280 მეტრი სიგრძის, 8.5 მეტრი სიგანის სწორ მონაკვეთში, ხოლო 15 მეტრი სიგანის მოხვევის მონაკვეთში (ე.წ. სპირალი, რომელიც ეშვება სადგურის მოედანზე). ხიდი იქნება ორზოლიანი და დასავლეთით, სადგურის მოედანზე დაშვებისას, რამპას ექნება მარჯვნივ ჩამხვევი ზოლი. რკინიგზის დერეფნის კვეთისას აუცილებელია 7 მეტრიანი სხვაობა რკინიგზის ლიანდაგსა და ხიდის სტრუქტურას შორის. საავტომობილო ხიდი ითვალისწინებს 18 მეტრიანი ავტობუსების მართვის ტრაექტორიებს, მისი მაქსიმალური გრძივი ქანობი - 10.7%, ხოლო მინიმალური რადიუსი - 12 მეტრი. საავტომობილო ხიდის გამტარობა შერეული ნაკადების პირობაში იქნება 800 ავტომობილი ერთ საათში ერთი მიმართულებით", - ნათქვამია 2026 წლის ბიუჯეტის განმარტებით ბარათში.
წყარო: https://bm.ge
