,
თბილისის მუნიციპალიტეტის საკრებულოს წევრმა, გარემოს დაცვის კომისიის თავმჯდომარემ ნიკოლოზ კახეთელიძემ საზოგადოებას გაწეული საქმიანობის წლიური ანგარიში წარუდგინა.
პრეზენტაციაზე, ნიკოლოზ კახეთელიძემ მისი მონაწილეობით, საკრებულოსა და კომისიების მუშაობის ფარგლებში გამართულ სხდომებსა და შეხვედრებს, განხილულ საკითხებსა და განხორციელებულ პროექტებზე ისაუბრა.
საკრებულოს წევრის ანგარიშში ნათქვამია, რომ 2021 წლის 3 დეკემბრიდან 2022 წლის 1 ნოემბრამდე ნიკოლოზ კახეთელიძის მონაწილეობით საკრებულოს 15 სხდომა გაიმართა, რომლებზეც 13 დადგენილება და 649 განკარგულება იქნა მიღებული.
გარემოს დაცვის კომისიის თავმჯდომარედ არჩევის შემდეგ , საანგარიშო პერიოდში - 2021 წლის 3 დეკემბრიდან დღემდე, გაიმართა კომისიის 17 სხდომა სადაც 116 საკითხი იქნა განხილული. კომისიაში 514 განცხადება/წერილი შევიდა, რომელზეც შესაბამისი რეაგირება განხორციელდა.
როგორც კომისიის თავმჯდომარემ აღნიშნა, საანგარიშო პერიოდში, ძირითადად, მოქალაქეთა მომართვიანობა შემდეგ სფეროებს შეეხებოდა: ურბანული განაშენიანება, პარკების, სკვერების, დასასვენებელი სარეკრეაციო სივრცეების მოწყობა-რეაბილიტაცია, მწვანე ნარგავების სხვლა/ფორმირება, გადაბელვა, გადარგვა და მოჭრა, შინაური, მათ შორის, უპატრონო ცხოველების (ძაღლების) საკითხები.
მისივე თქმით, რეგულარულად იმართება სამუშაო შეხვედრები მუნიციპალურ სამსახურებთან, ადგილობრივ და საერთაშორისო არასამთავრობო ორგანიზაციებთან.
ანგარიშის წარდგენისას ნიკოლოზ კახეთელიძემ, დამსწრე საზოგადოებას, ურბანული დაგეგმარების და საქალაქო მეურნეობის კომისიის წევრის რანგში კომისიის მიერ განხორციელებულ საქმიანობაზეც გაამახვილა ყურადღება.
საანგარიშო პერიოდში ნიკოლოზ კახეთელიძემ ურბანული დაგეგმარების და საქალაქო მეურნეობის კომისიის 18 სხდომაში მიიღო მონაწილეობა და 334 საკითხი შეისწავლა.
გარდა ამისა, ანგარიშში საკრებულოს წევრმა, გენდერული თანასწორობის საბჭოს წევრის რანგში განხორციელებულ საქმიანობაზე და პროექტებზეც გაამახვილა ყურადღება.
ანგარიშის პრეზენტაციას მოსახლეობასთან ერთად თბილისის საკრებულოსა და დედაქალაქის მერიის წარმომადგენლები დაესწრნენ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
