,
ამის შესახებ ინფორმაციას ავრცელებს ცნობილი რუსული ინტერნეტ-გამოცემა „The Insaider”, რომელიც წარმოადგენს საგამოძიებო ჟურნალისტიკის ფლაგმანს.
გამოცემის ცნობით, მსჯავრდებული ალექსეი ნავალნი, დიდი ალბათობით, იმყოფება ვლადიმირის ოლქის N2 გამოსასწორებელ კოლონიაში (ИК-2). აღნიშნული კოლონია პროდუქციით ამარაგებს სასჯელაღსრულების ფედერალურ სამსახურს.
რუსეთის ფედერაცის სახელმწიფო შესყიდვების საიტზე დაყრდნობით, გამოცემა წერს, რომ ამ კოლონიამ 2018 წელს სასჯელღსრულების სამსახურის რეგიონალური განყოფილებისაგან მიიღო შეკვეთა მამაკაცის პერანგების, ტრუსებისა და ე. წ. „კალსონების“ მიწოდების შესახებ. კონტრაქტის ჯამური თანხა შეადგენდა 821 ათას რუბლს. სახელმწიფო შესყიდვების პორტალზე გამოქვეყნებული დოკუმენტაციიდან ირკვევა შეკვეთის მოცულობის შესახებ. კერძოდ, ამ კოლონიას, რომელიც მდებარეობს ქ. პოკროვოში, უნდა დაემზადებინა მამაკაცის პერანგები 1600, ცალი 311 რუბლად და თითქმის ოთხი ათასი ქვედა საცვალი, წყვილი 81 რუბლად. უწყების პორტალზე განთავსებულია იმ პროდუქციის კატალოგი, რასაც ამზადებენ მსჯავრდებულები.
ზემოთ დასახელებული ნაწარმის გარდა პატიმრები აგრეთვე ამზადებენ ავეჯს, ფეხსაცმელს და ტექსტილის ნაწარმს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
