ნათია თურნავა - მომდევნო დღეებში ლარის კურსი თავის დაბალანსებულ ნიშნულს დაუბრუნდება

თარიღი: 819

ეროვნული ბანკის პრეზიდენტის მოვალეობის შემსრულებელი მიიჩნევს, რომ ლარის ბოლოდროინდელი გაუფასურება ხელოვნურად შექმნილი აჟიოტაჟით იყო გამოწვეული და რადგან, გაუფასურებაზე მოქმედი ფუნდამენტური ფაქტორები არ არსებობს, $60 მლნ-ს ინტერვენცია საკმარისია იმისთვის, რომ ბაზარმა დაიწყოს დამშვიდება.

"ჩვენ ვიხილეთ კურსის მოკლევადიანი რყევა ბაზარზე, მაგრამ ვინაიდან ამის უკან რამე ფუნდამენტური მაკროეკონომიკური ფაქტორი არ დგას და ეს ხელოვნურად შექმნილი აჟიოტაჟის შედეგია, ასეთ დროს, ჩვენც ვაკეთებთ გარკვეულ ინტერვენციას და ჩავერიეთ ამჯერადაც - $60 მლნ მივაწოდეთ ბაზარს. ვფიქრობ, რომ ეს საკმარისია იმისთვის, რომ ბაზარმა დაიწყოს დამშვიდება. პარასკევს უკვე კურსი გამყარებისკენ წავიდა.

ველოდებით, რომ მომდევნო დღეებში დასტაბილურდება და ისევ თავის დაბალანსებულ მდგომარეობას დაუბრუნდება. შეშფოთების საფუძველი ნამდვილად არ არსებობს იმ თვალსაზრისით, რომ არანაირი მაკროეკონომიკური ფაქტორი არ უწყობს ხელს ლარის გაუფასურებას. მათ შორის არც მიმდინარე ანგარიშის დეფიციტი არ გაზრდილა, შემოდინებები ისევ მაღალია და აქაც არაფერი არ შეცვლილა. ეკონომიკური ზრდა მაღალია, ინფლაცია კვლავაც დაბალია. ასე რომ, ჩვენ ვერ ვხედავთ რამე ფუნდამენტურ ფაქტორს, რაც ვალუტის დიდი ხნით გაუფასურებას გამოიწვევს", - ამბობს ნათია თურნავა.

მსოფლიო

რუბიომ ამერიკელ დიპლომატებს დაავალა, მოუწოდონ იმ ქვეყნებს სადაც იმყოფებიან, ოფიციალურად გამოაცხადონ „ისლამური რევოლუციის გუშაგთა კორპუსი“ (IRGC) და „ჰეზბოლა“ ტერორისტულ ორგანიზაციებად

ABC NEWS-ის ინფორმაციით, აშშ-ის სახელმწიფო მდივანმა, მარკო რუბიომ, ამერიკელ დიპლომატებს მთელ მსოფლიოში დაავალა, მოუწოდონ უცხოეთის მთავრობებს, სწრაფად იმოქმედონ ირანისა და მისი „პროქსი“ დაჯგუფებების წინააღმდეგ „თავდასხმის მომატებული რისკის“ გამო.

კონფიდენციალური დიპლომატიური დეპეშით, აშშ-ის საელჩოებსა და საკონსულოებს დაევალათ, ეს გზავნილი სხვა ქვეყნების მთავრობების უმაღლეს დონეზე 20 მარტამდე გადასცენ.

დირექტივაში აღნიშნულია, რომ ირანმა და ირანთან დაკავშირებულმა დაჯგუფებებმა შესაძლოა საფრთხე შეუქმნან სხვა ქვეყნებსა და მშვიდობიან მოსახლეობას, ამიტომ საჭიროა კოორდინირებული საერთაშორისო მოქმედება.

რუბიო ამერიკელ დიპლომატებს ასევე სთხოვს, მოუწოდონ იმ ქვეყნებს სადაც იმყოფებიან, ოფიციალურად გამოაცხადონ „ისლამური რევოლუციის გუშაგთა კორპუსი“ (IRGC) და „ჰეზბოლა“ ტერორისტულ ორგანიზაციებად, თუ მათ ეს ჯერ არ გაუკეთებიათ.

განცხადებაში ნათქვამია, რომ კოლექტიური გლობალური ზეწოლა უფრო ეფექტიანია, ვიდრე ცალმხრივი ქმედება ირანის ქცევის შესაცვლელად.

ეს ნაბიჯი გადაიდგა იმ ფონზე, როდესაც აშშ ცდილობს შექმნას კოალიცია ირანის წინააღმდეგ სამხედრო კამპანიისა და რეგიონული უსაფრთხოების ფართო ძალისხმევის მხარდასაჭერად.

ადმინისტრაცია აცხადებს, რომ ირანის მიერ მხარდაჭერილი დაჯგუფებები, მათ შორის „ჰეზბოლა“ და სხვა გასამხედროებული ფორმირებები ახდენენ მთავრობების დესტაბილიზაციას და საფრთხეს უქმნიან მშვიდობას ახლო აღმოსავლეთში.

აშშ-ს სჯერა, რომ კოორდინირებულ საერთაშორისო მოქმედებებსა და სანქციებს შეუძლია შეზღუდოს ირანის შესაძლებლობა, მხარი დაუჭიროს მებრძოლ დაჯგუფებებს და განახორციელოს თავდასხმები გლობალურად.“

სრულად

გამოკითხვა