ნაძალადევის რაიონში დასასვენებელი სივრცეების მოწყობის პარალელურად, საპარკე ინფრასტრუქტურის აღდგენა-შეკეთება გრძელდება.
სულ ახლახან, სამუშაოები შემდეგ მისამართებზე შესრულდა:
ლოტკინის დასახლებაში, მესხის ქუჩის ბოლოში მოსასვენებელი სივრცე მოეწყო. დაიდგა საბავშვო ატრაქციონი, დამონტაჟდა მოსასვენებელი სკამები და ნაგვის ურნები, დაიგო კაუჩუკის ფილები, მოეწყო ლითონის უსაფრთხოების მოაჯირი და საფეხმავლო ბილიკები.
ზღვისუბნის დასახლება, მე-11 მრ, მე-3 კვ, N58 კორპუსის მიმდებარედ არსებულ სივრცეს სარეაბილიტაციო სამუშაოები ჩაუტარდა. აღნიშნულ სივრცეში არსებული ამორტიზებული ინფრასტრუქტურის დემონტაჟის შემდეგ საბავშვო ატრაქციონი და საქანელები დაიდგა. ასევე, მოეწყო საფეხმავლო ბილიკები. შეიღება ლითონის უსაფრთხოების მოაჯირი.
მსგავსი სივრცე რეაბილიტირდა ზღვისუბნის მე-10ბ კვარტალში, ჭოჭუას N34 -თან. დამონტაჟდა მოსასვენებელი სკამები და ნაგვის ურნები. მოეწყო ლითონის უსაფრთხოების მოაჯირი, კაუჩუკის ფილები და საფეხმავლო ბილიკები.
ზემოთ აღნიშნული ინფრასტრუქტურული სამუშაოებისთვის ნაძალადევის რაიონის გამგეობის ბიუჯეტიდან, ჯამში, 115 660 ლარი დაიხარჯა.
