ნაძალადევის რაიონში კიდევ ერთი საერთო სარგებლობის აივნის სარეაბილიტაციო სამუშაოები მიმდინარეობს
ნაძალადევის რაიონში მრავალსართულიანი შენობის აივნების რეაბილიტაცია გრძელდება.
ამჯერად, საერთო სარგებლობის აივნის სრული სარეაბილიტაციო სამუშაოები ზღვისუბნის მე-10 კვარტლის N27 კორპუსში მიმდინარეობს.
პროექტის მიხედვით, 9-სართულიან კორპუსში, 108 კვ.მ ფართობზე რკინა-ბეტონის აივანი მოეწყობა და ლითონის მოაჯირები დამონტაჟდება. აივანი გადაიხურება.
ამ ეტაპზე, შედუღებისა და შელესვის სამუშაოები მიმდინარეობს.
პროექტი ნაძალადევის რაიონის გამგეობის დაფინანსებით ხორციელდება, რისთვისაც ბიუჯეტში 71 380 ლარია გათვალისწინებული.
