ნაძალადევის რაიონში, ქუთათელაძის ქუჩაზე სანიაღვრე ქსელის მოწყობის სამუშაოები მიმდინარეობს. პროექტის ფარგლებში, 120 გრძივ მეტრზე გოფრირებული მილები ეწყობა, ასევე, 6 საკომუნიკაციო ჭა მონტაჟდება.

სანიაღვრე სისტემაზე მუშაობის დასრულების შემდეგ, აღნიშნულ ტერიტორიაზე გზის საფარი მოწესრიგდება. მიმდინარე სამუშაოების საპროექტო ღირებულება 50 204 ლარია. პროექტი ნაძალადევის რაიონის გამგეობის დაფინანსებით ხორციელდება.