ნაძალადევის რაიონში კიდევ ერთი რეკრეაციული სივრცე განახლდა.
ურიდიას ქუჩის N135-თან სკვერის სარეაბილიტაციო სამუშაოები დასრულდა.
პროექტის ფარგლებში, ინფრასტრუქტურული და გამწვანების სამუშაოები 1 000 კვ. მეტრ ფართობზე შესრულდა. დამონტაჟდა საბავშვო-გასართობი ატრაქციონები, ტრენაჟორები და ვიდეომონიტორინგის კამერები; მოეწყო სარწყავი სისტემა, გარე განათების ქსელი, მოსასვენებელი სივრცეები და საფეხმავლო ბილიკები; დაირგო სხვადასხვა სახეობის ხე-მცენარე.
სკვერის რეაბილიტაციის ფარგლებში, მისამართზე ასევე მოეწყო 63 მ სიგრძის და 3 მეტრი სიმაღლის საყრდენი კედელი.
ურიდიას ქუჩა N135-თან მდებარე სკვერის კეთილმოწყობისთვის ნაძალადევის რაიონის გამგეობის ბიუჯეტიდან 375 000 ლარი დაიხარჯა.
