ნაძალადევის რაიონში, ზღვისუბნის მე-3 მიკრორაიონის I კვარტალში N13 კორპუსის წყალარინების ქსელის რეაბილიტაცია მიმდინარეობს. პროექტის ფარგლებში, კორპუსის შიდა და გარე პერიმეტრზე მილები 169 გრძივ მეტრზე იცვლება, ასევე, მონტაჟდება ოთხი საკომუნიკაციო ჭა.
მიმდინარე სამუშაოებს ნაძალადევის რაიონის გამგებელი ირაკლი ანდღულაძე გაეცნო და ადგილობრივ მოსახლეობას შეხვდა.
„აღნიშნულ მისამართზე წყალარინების ქსელის გაუმართაობის გამო ადგილობრივ მოსახლეობას პრობლემები დიდი ხნის განმავლობაში ჰქონდა. სარეაბილიტაციო სამუშაოების დასრულების შემდეგ, ასფალტის საფარი დაიგება. აღნიშნული პროექტით ინფრასტრუქტურული პრობლემა სრულად მოგვარდება.“, - განაცხადა ირაკლი ანდღულაძემ.
მიწისქვეშა კომუნიკაციების სარეაბილიტაციო სამუშაოების ღირებულება 35 962 ლარს შეადგენს. პროექტი ნაძალადევის რაიონის გამგეობის ბინათმესაკუთრეთა ამხანაგობების დაფინანსების პროგრამის ფარგლებში ხორციელდება.
