ჯანსაღი ცხოვრების წესის დამკვიდრებისა და ხელშეწყობის მიზნით, დედაქალაქში სპორტული მოედნების მშენებლობა-რეაბილიტაცია გრძელდება.
ამჯერად, რეაბილიტაცია ნაძალადევის რაიონში 3 სპორტულ მოედანს ჩაუტარდა. ღია ტიპის, ხელოვნურსაფარიანი მოედნების აღდგენის სამუშაოები კომპანიამ ,,კვადრელი“ შეასრულა. სტადიონები თანამედროვე სტანდარტების შესაბამისად დაიხაზა, დაიგო მწვანე ხელოვნური საფარი და მავთულბადით შემოიღობა.
ნოზაძის N90-თან, სამღერეთის N3-სა და ზღვისუბნის დასახლების მე-9 კვარტლის მე-13 კორპუსთან მდებარე მოედნების აღდგენის სამუშაოებისთვის ნაძალადევის რაიონის გამგეობიდან 140 000-ლარამდე დაიხარჯა.
