,
მუნიციპალური განვითარების ფონდი, ქალაქებისა და კურორტების განვითარების პროგრამის ფარგლებში, ბათუმში 7 ქუჩისა და შენობების რეაბილიტაციას ახორციელებს.
ირაკლი აბაშიძის ქუჩაზე დასრულდა შენობა-ნაგებობების ფასადების რესტავრაცია და გზის საფარის განახლება. ამჟამად მიმდინარეობს განახლებული შენობებისა და შიდა ეზოებში მდებარე ნაგებობების გადახურვა.
ფასადების რესტავრაცია დასასრულს უახლოვდება მემედ აბაშიძის ქუჩაზე, სადაც ასევე განახლდება ეზოები და გზის საფარი. ბათუმის მერიის თხოვნით, დამატებით 1.8 მეტრით გაფართოვდა სამანქანო გზა, რაც საგრძნობლად გაამარტივებს გადაადგილებას.
ახმეტელის, ბარათაშვილისა და გოგებაშვილის ქუჩებზე დასკვნით ეტაპზეა 12 სართულიანი საცხოვრებელი კორპუსებისა და სხვადასხვა შენობების ფასადების აღდგენის პროცესი, პარალელურად მიმდინარეობს გადახურვის სამუშაო. ფასადების რეაბილიტაცია დაწყებულია, ასევე, მელაშვილისა და კოსტავას ქუჩებზეც.
ბათუმში მიმდინარე სარეაბილიტაციო პროგრამის ფარგლებში იცვლება კარ-ფანჯრები იზოალუმინის სისტემით, რაც შენობების ენერგოეფექტურობას მნიშვნელოვნად გააუმჯობესებს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
