გლდანის რაიონის გამგეობის მიერ საგზაო ინფრასტრუქტურული სამუშაოები მუხიანში IV ბ მიკრორაიონის N35 კორპუსთან სრულდება.
სამუშაოების შედეგად, შიდა ეზოში, 2 300 კვადრატულ მეტრ ფართობზე ასფალტის საფარი იგება. აღნიშნულისთვის გამგეობის ბიუჯეტიდან 125 000 ლარი დაიხარჯება.
ამასთან, აღნიშნულ მისამართზე „ბინათმესაკუთრეთა ამხანაგობის განვითარების ხელშეწყობის“ პროგრამის ფარგლებში, შიდა და გარე ქსელი რვავე სადარბაზოში, დაახლოებით, 521 გრძივ მეტრზე შეიცვალა, რისთვისაც 201 148 ლარი დაიხარჯა.
მიმდინარე პროცესს გლდანის რაიონის გამგებლის მოვალეობის შემსრულებელი ბესიკ კალაძე, საკრებულოს წევრ ვლადიმერ ბოჟაძესთან ერთად გაეცნო.
