მთაწმინდის რაიონის გამგეობამ, წავკისში მასშტაბური საგზაო სამუშაოები დაიწყო.
პროექტის ფარგლებში, 10 ქუჩას ჩაუტარდება სრული რეაბილიტაცია - დაიგება ასფალტის ორფენიანი საფარი, მოეწყობა სანიაღვრე ქსელი და ბორდიური.
ამ ეტაპზე, სამუშაოები ტაბიძის, მარჯანიშვილის, მანჯგალაძის, ასათიანის ქუჩებსა და ასათიანის I და II შესახვევში მიმდინარეობს.
მიმდინარე სამუშაო პროცესს მთაწმინდის რაიონის გამგებელი დავით კირკიტაძე გაეცნო.
სამუშაოების ფარგლებში, ამორტიზებული გზის საფარი 4000 კვ.მ ფართობზე კაპიტალურად შეკეთდება.
ინფრასტრუქტურული პროექტისთვის გამგეობის ბიუჯეტიდან დაახლოებით 480 000 ლარი გამოიყოფა.
