ამ ეტაპზე, სოლოლაკში, ამაღლების ქ. N1-ში მდებარე სახლში გამგრებითი სამუშაოების პირველი ეტაპი დასრულდა. სამუშაოების შედეგად, გამაგრდა სახლის საძირკველი და მზიდი კედლები, ასევე, მოჩარჩოვდა ფანჯრის ღიობები, სრული რეაბილიტაცია და სამღებრო სამუშაოები ჩაუტარდა საერთო სარგებლობის აივნებს, კიბეს და სადარბაზოს, შეიცვალა კარები და ჭიშკარიც.
საცხოვრებელ სახლში, რომელიც კულტურული მემკვიდრეობის სტატუსის მქონეა, 22 ოჯახი ცხოვრებს.
სამუშაოებს მთაწმინდის რაიონის გამგებელი დავით კირკიტაძე გაეცნო და ადგილობრივ მცხოვრებლებს შეხვდა.
პროექტით გათვალისწინებულია გამაგრებითი სამუშაოების მეორე ეტაპი, სადაც სრული რეაბილიტაცია ფასადს ჩაუტარდება და აღდგება მისი პირვანდელი სახე. სამუშაოები 2024 წელს დაიწყება.
აღნიშნული პროექტი „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში განხორციელდა, რისთვისაც ადგილობრივი 590 568 ლარი გამოიყო.
