,
.png)
ოპოზიციონერი დეპუტატის რომან გოცირიძის კითხვაზე - ადასტურებს თუ არა ფინანსთა მინისტრი ინფორმაციას, რომ მას შეტანილი აქვს განაცხადი პრეზიდენტის ადმინისტრაციის მიერ გამოცხადებულ კონკურსში. ფინანსთა მინისტრი ლაშა ხუციშვილიმა კითხვის პასუხად აღნიშნა, რომ „ეს არის კონკურსი, რომელსაც პრეზიდენტი, პრეზიდენტის ადმინისტრაცია ატარებს. თუ საჭიროდ ჩათვლიან, რომ ინფორმაცია არის ღია, ამ ინფორმაციას მოგაწვდიან და შესაბამისად, თქვენ ამ ინფორმაციით იხელმძღვანელებთ“.
ამგვარად ფინანსთა მინისტრი ლაშა ხუციშვილი არც ადასტურებს და არც უარყოფს ინფორმაციას, რომლის მიხედვით, ის ეროვნული ბანკის საბჭოს წევრების ასარჩევად პრეზიდენტის მიერ გამოცხადებულ კონკურსში მონაწილეობს.
ლაშა ხუციშვილმა გოცირიძის პასუხად აღნიშნა, რომ პარლამენტის მიერ „ეროვნული ბანკის შესახებ“ კანონში ცვლილებებს მასთან კავშირი არა აქვს და არც პრეზიდენტზე ზეწოლას აქვს ადგილი.
პარლამენტის პლენარულ სხდომაზე, “მინისტრის საათის“ ფორმატში მისულ ლაშა ხუციშვილს რომან გოცირიძემ მიმართა კითხვით, ადასტურებს თუ არა, რომ შეიტანა განაცხადი ეროვნული ბანკის საბჭოს წევრების ასარჩევად გამოცხადებულ კონკურსში და ხდება თუ არა ზეწოლა პრეზიდენტ სალომე ზურაბიშვილზე მისი კანდიდატურის წარდგენის შესახებ.
რომან გოცირიძის შეფასებით, ეროვნულ ბანკში კლანური გადატრიალება ხდება, რადგან ეროვნული ბანკის საბჭოში უკვე არიან მთავრობის ყოფილი წარმომადგენლები, რომლებიც ივანიშვილისადმი მორჩილებით გამოირჩევიან.
„თქვენ ის ადამიანი ბრძანდებით, რომელმაც პარლამენტში კატაკლიზმები გამოიწვია, რომლის გამოც „ეროვნული ბანკის შესახებ“ კანონში ცვლილება მოხდა, რომელსაც შემდეგ პრეზიდენტმა ვეტო დაადო, რომლის შესახებაც სავალუტო ფონდმა თქვა, რომ წლების ნაშენებ სისტემას ანგრევთ.
ადასტურებთ თუ არა იმ ფაქტს, რომ ეს ცვლილებები მას შემდეგ განხორციელდა, რაც თქვენი კანდიდატურა პრემიერ მინისტრმა ეროვნული ბანკის პრეზიდენტის პოსტზე წარადგინა და სალომე ზურაბიშვილმა თქვენს კანდიდატურაზე უარი თქვა.
ამ ამბებს კიდევ უფრო მეტი რამ მოჰყვა. სალომე ზურაბიშვილი გამოვიდა ინიციატივით და გამოაცხადა კონკურსი ეროვნული ბანკის საბჭოს წევრობის ორ ვაკანტურ თანამდებობაზე.
ადასტურებთ თუ არა, რომ შეიტანეთ განაცხადი ეროვნული ბანკის საბჭოს წევრების ასარჩევად გამოცხადებულ კონკურსში და ხდება თუ არა ზეწოლა პრეზიდენტ სალომე ზურაბიშვილზე ეროვნული ბანკის პრეზიდენტად თქვენი კანდიდატურის წარდგენის თაობაზე?“ - მიმართა ლაშა ხუციშვილს რომან გოცირიძემ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
