,
დიდი ბრიტანეთის საზოგადოებრივმა მაუწყებელმა საქართველოში 4 ოქტომბრის არჩევნებისა და ბოლო საათებში მიმდინარე მოვლენების შესახებ სტატია გამოაქვეყნა. "მომიტინგეებმა პრეზიდენტის სასახლის შტურმით აღება სცადეს",- წერს BBC.
სტატიაში აღნიშნულია, რომ ქართულ პოლიციასა და ანტისამთავრობო დემონსტრანტებს შორის შეტაკება პრეზიდენტის სასახლის მიმდებარედ მოხდა. სპეცრაზმმა კი აქციის მონაწილეების დასაშლელად წყლის ჭავლის მანქანა და წიწაკის სპრეი გამოიყენა.
ბრიტანული მედია ყურადღებას აქციის ჩატარების თარიღზეც ამახვილებს და აღნიშნავს, რომ ის ადგილობრივი არჩევნების პარალელურად დაიგეგმა.
"პროტესტის ერთ-ერთმა ორგანიზატორმა, ოპერის მომღერალმა პაატა ბურჭულაძემ წაიკითხა დეკლარაცია, რომელიც შინაგან საქმეთა სამინისტროს თანამშრომლებს ხალხის ნებისადმი დამორჩილებისკენ, ასევე "ქართული ოცნების" ლიდერების დაკავებისკენ მოუწოდებს",- აღნიშნულია სტატიაში.
ბრიტანული მედია აღნიშნავს, რომ დემონსტრაციას წინ უძღოდა ბოლო თვეებში აქტივისტების, დამოუკიდებელი მედიისა და პოლიტიკური ოპოზიციის წინააღმდეგ გატარებული რეპრესიები.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
