წინასწარი მონაცემებით, მოლდოვის ვადამდელ საპარლამენტო არჩევნებში ქვეყნის პრეზიდენტის, მაია სანდუს „მოქმედების და სოლიდარობის“ პარტია ლიდერობს, - ინფორმაციას მედია საშუალებები მოლდოვის საარჩევნო კომისიის მონაცემებზე დაყრდნობით ავრცელებენ.

კომისიის ინფორმაციით, საარჩევნო ბიულეტენების 95 %-ის დათვლის შედეგად აღმოჩნდა, რომ პრეზიდენტის პარტიას ამ დროისთვის ხმათა 48 % აქვს.

მეორე ადგილზეა ყოფილი პრეზიდენტის, იგორ დოდონის კომუნისტებისა და სოციალისტების ბლოკი 30%-ით. მესამე ადგილს კი პარტია „შორი“ იკავებს, რომელმაც არჩევნებში ხმების 6.43% მოიპოვა.

მოლდოვაში ვადამდელი საპარლამენტო არჩევნები გუშინ გაიმართა. საარჩევნო უბნები ადგილობრივი დროით დილის 7:00 საათზე გაიხსნა და 21:00 საათზე დაიხურა.