,
წუხელ ლოს-ანჯელესში სეზონის მთავარი სატელევიზიო კონკურსის Emmy-ის დაჯილდოების 76-ე ცერემონია გაიმართა.
2024 წლის „საუკეთესო სერიალის“ კატეგორიაში კვლავ „მემკვიდრეობამ“ გაიმარჯვა. კირან კალკინმა, სარა სნუკიმ და მეთიუ მაკფეიდენმა ჯილდოები მოიპოვეს „საუკეთესო მამაკაცის“, „ საუკეთესო ქალისა“ და „საუკეთესო მეორეხარისხოვანი მსახიობების“ ნომინაციებში. შოუმ ასევე „საუკეთესო სცენარისთვისაც“ მიიღო ჯილდო.
„საუკეთესო კომედიურ სერიალად“ დასახელდა „დათვი“, ჯერემი ალენ ვაითი შოუსთვის „საუკეთესო მამაკაც მსახიობად“ აღიარეს. „საუკეთესო ქალ მსახიობი კი აიო ედიბირი გახდა.
„საუკეთესო მინი-სერიალი“ „მტრობა“ გახდა. სტივენ იანი და ალი ვონგი „საუკეთესო მსახიობებად“ აღიარეს.
რაც შეეხება მუსიკალურ ინდუსტრიას, გამოსამშვიდობებელი ტურნესთვის, Farewell Yellow Brick Road Tour ელტონ ჯონი დააჯილდოვეს.
სრული სია იხილეთ აქ.
ირანის სასამართლოს განცხადებით, ერფან სოლტანის სიკვდილით დასჯა არ აქვს მისჯილი, - ინფორმაციას The Guardian-ი ირანის სახელმწიფო მედიაზე დაყრდნობით ავრცელებს.
ირანის სასამართლოს ცნობით, 10 იანვარს საპროტესტო აქციებზე დაკავებული 26 წლის ერფან სოლტანი ქარაჯის ცენტრალურ სასჯელაღსრულების დაწესებულებაში იმყოფება.
სასამართლოს განცხადებით, სოლტანის ბრალი წაუყენეს „ქვეყნის შიდა უსაფრთხოების წინააღმდეგ შეთქმულებისა და რეჟიმის წინააღმდეგ პროპაგანდული საქმიანობისთვის“.
სასამართლოს განცხადებაში აღნიშნულია, რომ მსგავს ბრალდებებზე სიკვდილით დასჯა არ ვრცელდება.
მანამდე, სოლტანის ოჯახმა ინფორმაცია გაავრცელა, რომ ერფანის სიკვდილით დასჯა გადაიდო.
