ბერ ანტონს, რომელიც ბორჯომში მომხდარი მკვლელობისთვის გუშინ დააკავეს, ბრალს დღეს წაუყენებენ. თავად ყოფილი სასულიერო პირი, რომელიც წალკის მონასტერში მსახურებდა, თავს დამნაშავედ არ ცნობს და ამბობს, რომ მისი ქმედება თავდაცვით იყო გამოწვეული. 

"ბრალდებულს ვესაუბრე. იგი არ ცნობს დამნაშავედ თავს წარდგენილ ბრალდებაში. მოცემულ შემთხვევაში საქმის მასალითაც და ფაქტობრივი გარემოებებითაც დგინდება, რომ მას ბრალად შერაცხული ქმედება, რასაც ბრალდების მხარე ედავება, განზრახ მკვლელობა არ ჩაუდენია მისი ქმედება იყო მხოლოდ აუცილებელი მოგერიების ფარგლებში. 

შესაბამისად, დაცვის მხარე ვფიქრობთ, რომ მისი ქმედება არ არის ბრალეული", - განაცხადა ადვოკატმა.