USD 2.7503
EUR 3.1249
RUB 3.3429
თბილისი
მიტოვებული „რადიო ქარხნის“ ახალი სიცოცხლე - რადიო ქარხნიდან, რადიო ქალაქამდე
თარიღი:  7632

ავტორი: მარიამ გვენცაძე

ესთეტიკის მოყვარულები დაგვეთანხმებიან, რომ კარგად ნაცნობ ქუჩებზე სეირნობის, ქალაქებსა თუ სოფლებში მოგზაურობის ერთ-ერთი მთავარი ხიბლი ძველი და ერთ დროს ცნობილი ადგილების აღმოჩენაა. ეს ადგილები თანამედროვეობაში გახსნილ დროის პორტალებს ჰგავს, რომლებსაც წარსულში გადავყავართ.

ადგილი, რომელიც საკუთარ დედაქალაქში, თავს სხვა დროსა და რეალობაში გაგრძნობინებთ. დასახლებას მოწყვეტილი, 12 ჰექტარზე გადაჭიმული, მიტოვებული შენობა – აქ ახლა დანგრეულია კედლები, იატაკი, ჭერი, განადგურებული და დაძველებულია მთლიანად ინფრასტრუქტურა. ქალაქ თბილისის ჩრდილოეთ ნაწილში, მუხიანის დასახლებასთან მდებარე ყოფილი „რადიო ქარხნის“ შენობის ისტორია ასე დაიწყო…

რადიო ქარხნიდან, რადიო ქალაქამდე – ახალი პროექტი მუხიანში

მუხიანი, უბანი თბილისში, რომლის ტერიტორიაც ჯერ კიდევ, 1970-იან წლებამდე მუხის ხეებით ყოფილა დაფარული. მუხის ტყე გაუჩეხავთ და დაუწყიათ ტერიტორიის განაშენიანება. მისი სახელწოდებაც სწორედ, აქედან მომდინარეობს. ახლანდელი ნ. დუმბაძის, ი. ნონეშვილისა და ალ. გობრონიძის გამზირებით გარშემორტყმულ ტერიტორიაზე თავდაპირველად განთავსებულა, საბჭოთა კავშირის შეიარაღებული ძალების სატანკო ნაწილი. შემდეგ გაჩნდა ახლომდებარე დასახლებაც. 1980-იან წლებში კი სატანკო ნაწილის ტერიტორია დაუკავებია „რადიო ქარხანას“. ამ ადგილს ძველად „ტანკადრომსაც“ კი ეძახდნენ. დაგეგმარებისას უბნის განაშენიანება 4 ტიპის სახლებით მიმდინარეობდა. პალიტრა იყო ძალიან მცირე და 9-16 სართულიანი შენობებისაგან შედგებოდა. არქიტექტორი მერაბ ბოლქვაძე გვიყვება, რომ პროექტი აწ უკვე გარდაცვლილ, გენიალურ არქიტექტორს, მურმან გოგიშვილს ეკუთვნის.

„როგორც მახსენდება ეს „რადიო ქარხანა“ მაშინაც იყო პროექტში გათვალისწინებული. მშენებლობის პროცესში, მას სჭირდებოდა ძალიან დიდი რაოდენობით სპეციალისტები. უნდა ჩამოეყვანათ ფიზიკოსები იმიტომ, რომ საქართველოში ემუშავათ, რადგან ჩვენს ქვეყანაში ამდენი სპეციალისტი ფიზიკურად არ იყო. ამ ქარხანაში იწარმოებოდა რადიო ნაწილები. ძველი სტრუქტურა სწორედ ასე იყო აწყობილი, სხვადასხვა ნაწილი სხვადასხვა საწარმოში იწარმოებოდა და შემდეგ ერთ საწარმოში ხდებოდა აწყობა“. – აცხადებს არქიტექტორი.

ადგილობრივი მოსახლეობა კი წლების მანძილზე მიტოვებული შენობა-ნაგებობის განვითარებას მიესალმება, რადგან მათი აზრით, დედაქალაქი და განსაკუთრებით მუხიანი, სპორტული და გამაჯანსაღებელი სივრცეების ნაკლებობას განიცდის. მუხიანის მაცხოვრებლები აღნიშნავენ იმასაც, რომ წლების მანძილზე გამოუყენებელი შენობა ახალ სიცოცხლეს საჭიროებს და იმედს იტოვებენ, რომ ახალი კომპლექსი ადგილობრივების დასაქმების შესაძლებლობას კიდევ უფრო მეტად გაზრდის.

რადიო ქარხნიდან, რადიო ქალაქამდე – ახალი პროექტი მუხიანში

დიდ ხნიანი პაუზის შემდეგ მუხიანში, ყოფილი რადიო ქარხნის ტერიტორიის განვითარებისა და პოტენციური გამოყენების მიზნით, ინდუსტრიული ქალაქის განვითარება 2019 წელს დაანონსდა. სულ მალე, მიტოვებული რადიო ქარხანა მუხიანში, მულტიფუნქციურ ქალაქად გადაიქცევა.

„რადიო ქალაქი“ ტერიტორიის განვითარების პროექტი თბილისის მერიის მიერ გამოცხადებულ აუქციონზე „აჭარა ჯგუფის” შვილობილმა კომპანიამ „ინდუსტრიულმა ქალაქმა” 23 მლნ ლარად შეიძინა და აიღო ვალდებულება, 4 წლის განმავლობაში 8 მლნ დოლარის ინვეტიცია განახორციელოს.

რადიო ქარხნიდან, რადიო ქალაქამდე – ახალი პროექტი მუხიანში
რადიო ქარხნიდან, რადიო ქალაქამდე – ახალი პროექტი მუხიანში

რადიო ქალაქის ტერიტორიაზე კაფეები, ოფისები, საერთო სამუშაო და საზიარო სივრცეები განთავსდება. ადგილი უმასპინძლებს კულტურულ და კომერციულ ღონისძიებებს, როგორებიცაა საერთაშორისო ფესტივალები, გამოფენები, ბაზრობები, კონცერტები და ა.შ. როგორც თბილისის მერმა კახა კალაძემ აღნიშნა, მუხიანში, ყოფილი რადიო ქარხნის ტერიტორიაზე უნდა განხორციელდეს პროექტი, რომელიც გლდანის, მუხიანისა და თემქისთვის ერთგვარი, ახალი მიზიდულობის ცენტრი გახდება.

„აღნიშნული პროექტი გატანილი გვქონდა აუქციონზე და გვყავს გამარჯვებული კომპანია – ინდუსტრიული ქალაქი, რომელმაც ტერიტორია 23 მილიონ ლარად იყიდა. უკვე გვაქვს კომპანია კოლიერსის მიერ შემუშავებული კონცეფცია, რომლის მიხედვითაც, ამ კონკრეტულ ადგილზე უნდა მოეწყოს კვების ობიექტები, სავაჭრო სივრცეები, ღამის კლუბი, მულტიფუნქციური საკონცერტო, საგამოფენო, ფიტნეს და სხვა ტიპის სპორტული სივრცეები, საცურაო აუზი, სარეკრეაციო სივრცე, კინოთეატრები, გასართობი ცენტრი, მედიათეკა, მინი საბავშვო ქალაქი, მეცნიერებათა მუზეუმი, კულინარიის, სამუშაო-საწარმოო სივრცე და ა.შ.”, – განმარტა თბილისის მერმა.

პროექტი იმ გეგმის მიხედვით უნდა განხორციელდეს, რომელიც თბილისის მერიის მიერ დაქირავებულმა ბრიტანულმა კომპანიამ „Colliers International” – მა შეადგინა. თავდაპირველად ჩატარდა ტექნიკურ-ეკონომიკური კვლევა. მისი მიხედვით, „რადიო ქალაქი“ წელიწადში დაახლოებით, 2 მლნ სტუმარს მიიღებს, რაც დღეში 5 000 ადამიანს აღემატება. გაითვალა საზოგადოებრივი ტრანსპორტის ტერიტორიამდე მისვლის მარშრუტები.

რადიო ქარხნიდან, რადიო ქალაქამდე – ახალი პროექტი მუხიანში
რადიო ქარხნიდან, რადიო ქალაქამდე – ახალი პროექტი მუხიანში
რადიო ქარხნიდან, რადიო ქალაქამდე – ახალი პროექტი მუხიანში

პროექტი მასშტაბურია, ტენდერში გამარჯვებული კომპანია კი, რომელიც ამ პროექტზე მუშაობას იწყებს, გამოცდილი. „აჭარა ჯგუფი“ – ეს ის კომპანიაა, რომელიც მიტოვებული შენობებისა და ტერიტორიის თანამედროვე, პოპულარულ სივრცედ გარდაქმნის მიმართულებით მუშაობს.

არ დაანგრიო, არ წაშალო, მაგრამ შეუცვალე შინაარსი – ეს არის კონცეფცია, რომლითაც „აჭარა ჯგუფი“ ხელმძღვანელობს. კომპანიაში იმედოვნებენ, რომ გლდანი-მუხიანში მდებარე ყოფილი „რადიო ქარხნის“ განახლებული შენობები თბილისში, ახალ და განსხვავებულ მიზიდულობის ცენტრს შექმნის. ეს იქნება შესაძლებლობა ერთ სივრცეში, რამდენიმე მიმართულების განვითარებისა. ასევე, ყველას მიეცემა შესაძლებლობა საკუთარი ბიზნეს იდეა ან მცირე წარმოება ზუსტად, ამ სივრცეში განავითაროს. პროექტმა ხელი უნდა შეუწყობს ოჯახური და ახალგაზრდული გართობის, რეკრეაციის, განათლების მიღებისა და დასაქმების მრავალფეროვანი შესაძლებლობების შექმნას. ინკლუზიურობა, გაზიარებული ეკონომიკა, სოციალური, ეკომონიკური და ეკოლოგიური მდგრადობა „რადიო ქალაქის“ საერთო ეკოსისტემის მთავარი პრინციპი უნდა გახდეს. აქცენტი კი ხარისხზე, კომფორტზე და სერვისზე გაკეთდება. ამ პროექტის საშუალებით „აჭარა ჯგუფი“ საქართველოში, მცირე მეწარმეობის განვითარებასა და ინოვაციური ეკო-სისტემის შექმნას გეგმავს.

რადიო ქარხნიდან, რადიო ქალაქამდე – ახალი პროექტი მუხიანში
რადიო ქარხნიდან, რადიო ქალაქამდე – ახალი პროექტი მუხიანში
რადიო ქარხნიდან, რადიო ქალაქამდე – ახალი პროექტი მუხიანში

ამ ეტაპზე, „რადიო ქალაქში“ მიმდინარეობს ტერიტორიაზე არსებული ყველა შენობის რეკონსტრუქცია და გარე სივრცეების მოწესრიგება. პროექტის პირველი ფაზის განვითარების ფარგლებში, 2023 წლის ბოლოს, საერთო სამუშაო სივრცეები და მასთან დაკავშირებული შესაბამისი სერვისები საზოგადოებისთვის ხელმისაწვდომი გახდება.

ევროპული ქვეყნებისა და შეერთებული შტატების მაგალითის მიხედვით, მსგავსი ინდუსტრიული ქალაქი, მნიშვნელოვან როლს თამაშობს ქვეყანაში, ეკონომიკის თანამედროვე მიმართულებების განვითარებაში.

რადიო ქარხნიდან, რადიო ქალაქამდე – ახალი პროექტი მუხიანში
რადიო ქარხნიდან, რადიო ქალაქამდე – ახალი პროექტი მუხიანში

117 000 ㎡- ტერიტორია, 48 000 ㎡ – შენობები, 455 000 – მაცხოვრებელი, 15 წუთის დისტანციაზე.

წყარო:https://kalaki.ge/

კულტურა
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.