დიდ დიღომში, მირიან მეფის ქ. №77-ის მიმდებარედ დასასვენებელი სივრცე ეწყობა. აღნიშნულ მისამართზე, პირველ ეტაპზე, ხუთი ავტოფარეხის დემონტაჟი მოხდა და ტერიტორია გაფართოვდა.
პროექტის ფარგლებში, 2 300 კვ.მ ფართობზე დამონტაჟდება ყველა შესაბამისი საპარკო ინფრასტრუქტურა, განათებისა და სარწყავი ქსელები, მოეწყობა საბავშვო-გასართობი სივრცე.
დასკვნით ეტაპზე, ტერიტორია გამწვანდება, 1 200 კვ.მ ფართობზე დაირგვება რულონური ბალახი და 100-მდე სხვადასხვა ჯიშის ხე-მცენარე.
პროექტის განსახორციელებლად ადგილობრივი ბიუჯეტიდან 555 130 ლარია გამოყოფილი. სამუშაოებს შპს „ლაგო“ ასრულებს.
საბურთალოს რაიონის გამგებელი გიზო ვასაძე მოსახლეობას შეხვდა და პროექტი მათთან ერთად განიხილა.
