,
ეკონომიკურ მეცნიერებათა დოქტორი, პროფესორი მიხეილ ჯიბუტ, საკუთარ ფეისბუკის გვერდზე, დედაქალაქის ცენტრში უწესრიგობის აღმაშფოთებელ მაგალითებზე წერს:
"გა(და)კვირვებული თვალით... ან სიცოცხლე,ან უწესრიგობა
საქართველოს ყველა, როგორც გსურთ ისე თქვით - გამოწვევა, თუ პრობლემა, - ესაა წესრიგის პრობლემა, რომელიც დღეს თავს იჩენს უწესრიგობის სახით ყველაფერში - დიდსა და პატარაში, მნიშვნელოვანსა და წვრილმანში, ქალსა და კაცში, ოჯახსა და ქუჩაში,სახელმწიფოს მართვასა და ინდივიდუალურ გადაწყვეტილებებში, საზოგადოსა და კერძოში...
უწესრიგობის აღმაშფოთებელი მაგალითია რუსთაველის პროსპექტზე პარლამენტის სახელმწიფო შენობის წინ ღობე, რომელსაც არ აქვს არავითარი მინიშნება თუ რატომ , რისთვის,ან ვის მიერაა შემოვლებული და რომელიც გადაქცეულია სიტყვის თავისუფლების გამოხატვის სახალხო დაფად . ასევე საშინელი შესახედია პარლამენტის მოპირდაპირე მხარეს რუსთაველზე მდებარე "ქართული სახვითი ხელოვნების მუზეუმის" კერძო შესანიშნავი შენობა ჩამსხვრეული მინითა და დიქტით ამოვსებული ღიობით.
უწესრიგობას, გულგრილობას, ქალაქისადმი, სტუმრისა და შინაურის ესთეტიური აღთქმისადმი უყურადღებობას ერთნაირად შეჩვეულია და არ აწუხებს არც საჯარო და არც კერძო ინსტიტუციას.
არ გვაწუხებს ჩვენც, რამეთუ სხვაგან ჩვენ ჩვენს უწესრიგობას ჩავდივართ- , ჩვენი გავლენის სფეროში ჩვენ ჩვენს ბოსტანს ვღობავთ და ჩვენს ფანჯრებში მინებს არ ვსვამთ!
ჩვენ არაფერი არ გვინდა გავიღოთ სხვისთვის! ჩვენ წესრიგი გვინდა მხოლოდ ჩვენთვის!
მაგრამ ასე რა გამოვა კორონავირუსთან? ის ხომ არ ჩანს? ის ხომ უწესრიგობის ვირუსია? საკმარისია ასი ათასში, მილიონში ერთი უწესრიგო და ყველა შეიძლება დაავადდეს! დღეს თუ კორონავირუსი არ გაქვს- რაშეღავათია? უწესრიგო გარემოში მისგან რა გიცავს?
წესრიგი ყველგან - აი, გამოსავალი და თუ ეს დღემდე ევრისტიკულად ვერ იქნა ჩვენს მიერ გაცნობიერებული, ეხლა მაინც უნდა გავაცნობიეროთ და გადავირჩინოთ თავი, თორემ კორონავირუსი დააყენებს ალტერნატივას : ან დათმობ უწესრიგობას, ან სიცოცხლეს!"
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
