USD 2.6978
EUR 2.9112
RUB 2.9177
Тбилиси
მეუფე ზენონი საგანგებო განცხადებას ავრცელებს
дата:  283

მეუფე ზენონი, რომელიც ცოტა ხნის წინ ბრიტანეთის ეპისკოპოსობიდან გაათავისუფლეს, სოცქსელით საგანგებო განცხდებას ავრცელებს:

„ჩემი მცდელობის მიუხედავად, რადგან შეუძლებელი ხდება პირდაპირი კომუნიკაცია ადმინისტრაციული საპატრიარქოს უფლებამოსილ პირებთან და ვერ ვიყენებ ეპარქიის ოფიციალურ ბლანკს, იძულებული ვარ გამოვიყენო ფეისბუქის პირადი გვერდი, რისთვისაც საზოგადოებას ვუხდი ბოდიშს.
მიმდინარე წლის 15 ნოემბერს საქართველოს საპატრიარქოში გამართული ე. წ. სინოდალური კომისიის სხდომის ამსახველი დოკუმენტზე პასუხისმგებელ და ხელმომწერ ყოვლადსამღვდელო მღვდელმთავრებს;
კათოლიკოს- პატრიარქის ქორეპისკოპოსებს მიტროპოლიტ შიოს და მიტროპოლიტ თეოდორეს.
თქვენო მეუფებავ,
კანონიკური ვალდებულების გათვალისწინებით, გთხოვთ ელექტრონული ფოსტის საშუალებით გამომიგზავნოთ, კათოლიკოს- პატრიარქის სახელზე მომზადებულ დასკვნის წერილში თქვენს მიერ ნახსენები ე. წ “დოკუმენტები” სრული შემადგენლობით ეპარქიის მითითებულ ოფიციალურ იმეილზე g.orthodox@yahoo.co.uk
კანონიკური ვალდებულებაა ვიცნობდე აღნიშნულ “დოკუმენტებს”, რათა სამომავლო სინოდის სხდომაზე წარვსდგე სათანადოდ ინფორმირებული.
მითუმეტეს, როგორც დასკვნაშია აღნიშნული “ წმ. სინოდის წევრები დეტალურად გაეცვნენ არსებულ დოკუმენტაციას”, ხოლო ჩემთვის ამ დრომდე უცნობია თუ რა დოკუმენტაციას გაეცნო 15 ნოემბერს საქართველოს საპატრიარქოში შეკრებილი მღვდელმთავრების ნაწილი, რომელმაც რეკომენდაცია გასცა ჩემთვის დიდი ბრიტანეთისა და ირლანდიის კათედრის ჩამორთმევის.
ასევე, სავალდებულოა დასახელებული იყოს წყარო თუ ვისგან იქნა მოწოდებული ე. წ დოკუმენტები.
პატივისცემით
+ მთავარეპისკოპოსი ზენონი“

 

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати