,
აშშ-ის სახელმწიფო დეპარტამენტის პრესსპიკერის, მეთიუ მილერის განცხადებით, ღაზას სექტორის ქალაქ ბეიტ ლაჰიაში განხორციელებული საჰაერო თავდასხმა, რომელსაც 90-ზე მეტი ადამიანის სიცოცხლე ემსხვერპლა, შემზარავი ინციდენტია, - ინფორმაციას CNN-ი ავრცელებს.
"აშშ ღრმად შეშფოთებულია ამ ინციდენტის შედეგად სამოქალაქო პირების დაღუპვით. ეს იყო შემზარავი ინციდენტი შემზარავი შედეგით. დაღუპულთა საერთო რაოდენობაზე ვერ ვისაუბრებ, მაგრამ არსებობს ცნობები ამ ინციდენტის შედეგად დაღუპული ორი ათეული ბავშვის შესახებ", - აღნიშნა მილერმა.
ამასთან, სახელმწიფო დეპარტამენტის პრესსპიკერის თქმით, მომხდარი კიდევ ერთი შეხსენებაა იმისთვის, თუ რატომ უნდა დასრულდეს ეს ომი.
შეგახსენებთ, ღაზას სექტორის ჯანდაცვის სამინისტროს ცნობით, ქალაქ ბეიტ ლაჰიაზე ისრაელის მიერ გუშინ განხორციელებულ საჰაერო იერიშს, სულ მცირე, 92 ადამიანი, მათ შორის 25 ბავშვი, ემსხვერპლა.
ირანის სასამართლოს განცხადებით, ერფან სოლტანის სიკვდილით დასჯა არ აქვს მისჯილი, - ინფორმაციას The Guardian-ი ირანის სახელმწიფო მედიაზე დაყრდნობით ავრცელებს.
ირანის სასამართლოს ცნობით, 10 იანვარს საპროტესტო აქციებზე დაკავებული 26 წლის ერფან სოლტანი ქარაჯის ცენტრალურ სასჯელაღსრულების დაწესებულებაში იმყოფება.
სასამართლოს განცხადებით, სოლტანის ბრალი წაუყენეს „ქვეყნის შიდა უსაფრთხოების წინააღმდეგ შეთქმულებისა და რეჟიმის წინააღმდეგ პროპაგანდული საქმიანობისთვის“.
სასამართლოს განცხადებაში აღნიშნულია, რომ მსგავს ბრალდებებზე სიკვდილით დასჯა არ ვრცელდება.
მანამდე, სოლტანის ოჯახმა ინფორმაცია გაავრცელა, რომ ერფანის სიკვდილით დასჯა გადაიდო.
