,
სსიპ საქართველოს მეცნიერებათა ეროვნული აკადემია, წელს, სახელმწიფო ბიუჯეტიდან 4 მლნ 735 ათასი ლარით ფინანსდება.
ფინანსთა სამინისტროს მონაცემებით, ამ თანხიდან 2 მლნ 225 ათასი ლარი შრომის ანაზღაურებისთვის არის გათვალისწინებული.
მთავარი ფინანსური დოკუმენტის თანახმადვე, საქართველოს მეცნიერებათა ეროვნულ აკადემიაში მომუშავეთა რიცხოვნობა 164 ადამიანითაა განსაზღვრული.
საქართველოს მეცნიერებათა ეროვნული აკადემიის პრეზიდენტად ისტორიკოსი როინ მეტრეველი რამდენიმე დღის წინ აირჩიეს. ამ თანამდებობაზე მან გიორგი კვესიტაძე ჩაანაცვლა. როინ მეტრეველი 83 წლისაა. აქამდე, 2013 წლიდან, იგი აკადემიის ვიცე-პრეზიდენტი იყო.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
