,
როგორც ამერიკული ტელეარხი ABC იუწყება, ამერიკულმა დაზვერვამ ჯერ კიდევ ნოემბერში გააფრთხილა ხელისუფლება, რომ ახალი ვირუსი, რომელიც უჰანში ვრცელდებოდა, შეიძლებოდა მსოფლიოსათვის კატასტროფად ქცეულიყო. ეს ცნობები დაზვერვამ პრეზიდენტისათვის წარდგენილ მოხსენებაშიც შეიტანა.
ამერიკული სპეცსამსახურების წარმომადგენლებმა 2019 წლის ნოემბრის ბოლოს გააფრთხილეს ხელისუფლება, რომ უჰანში გავრცელებული ახალი ვირუსი წარმოადგენდა საფრთხეს ადამიანების სიცოცხლისათვის. ამის შესახებ ამერიკული ტელეარხი ABC NEW-ი იუწყება ოთხ წყაროზე დაყრდნობით, რომლებიც იცნობენ დაზვერვის მოხსენების დეტალებს.
როგორც ორი წყარო აცხადებს, ამერიკული დაზვერვის მოხსენება ეფუძნებოდა სამედიცინო დაზვერვის ნაციონალური ცენტრის (National Center for Medical Intelligence, NCMI) მონაცემებს, რომელმაც თავის მხრივ ინფორმაცია მოიპოვა სატელიტური სურათებისა და გაშიფრული შეტყობინებების გზით.
წყარო: rbc.ru
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
