,
მარნეულის წყალარინების გამწმენდი ნაგებობის მშენებლობა აქტიურ ფაზაშია
საქართველოს ინფრასტრუქტურის სამინისტროს გაერთიანებული წყალმომარაგების კომპანია მარნეულის მუნიციპალიტეტში წყალარინების გამწმენდი ნაგებობის პროექტირება-მშენებლობის მასშტაბურ პროექტს ახორციელებს, რომელიც რეგიონში ეკოლოგიური ინფრასტრუქტურის განვითარების ერთ-ერთ უმნიშვნელოვანეს მიმართულებას წარმოადგენს.
პროექტის ფარგლებში შენდება თანამედროვე სტანდარტების შესაბამისი წყალარინების გამწმენდი ნაგებობა, რომლის ექსპლუატაციაში შესვლის შემდეგ ობიექტი იმუშავებს 13 896 მ³/დღის წარმადობით და მარნეულისა და ბოლნისის მუნიციპალიტეტების დაახლოებით 45 796 მოსახლეს მოემსახურება.
ახალი ინფრასტრუქტურა, გარემოსდაცვითი მოთხოვნების სრული დაცვით, უზრუნველყოფს ჩამდინარე წყლების სათანადო დამუშავებას, მნიშვნელოვნად შეამცირებს გარემოზე მავნე ზემოქმედების რისკებს და ხელს შეუწყობს წყლის რესურსების დაცვასა და ეკოსისტემის შენარჩუნებას.
პროექტი ხორციელდება სახელმწიფო ბიუჯეტისა და აზიის განვითარების ბანკის ფინანსური მხარდაჭერით, ხოლო მისი ჯამური ღირებულება 30 მილიონ ლარამდე შეადგენს.
ინფრასტრუქტურის სამინისტროს შეფასებით, თანამედროვე სტანდარტების შესაბამისი წყალარინების გამწმენდი ნაგებობების მშენებლობა წარმოადგენს ქვეყნის ეკოლოგიურად მდგრადი განვითარების, მუნიციპალური ინფრასტრუქტურის გაუმჯობესებისა და გარემოსდაცვითი უსაფრთხოების უზრუნველყოფის ერთ-ერთ მთავარ წინაპირობას. სამინისტრო მომავალშიც გააგრძელებს წყლისა და წყალარინების სექტორში სტრატეგიული მნიშვნელობის ინფრასტრუქტურული პროექტების განხორციელებას.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
