USD 2.8688
EUR 3.0682
RUB 3.2115
თბილისი
მარია ზახაროვა - აშშ ცინიკურად და უცერემონიოდ ერევა სუვერენული ქვეყნების საქმეებში - ეს მხოლოდ ერთი კანონია, ღმერთო ჩემო - დასავლეთისგან განსხვავებით, მუქარები და შანტაჟი ჩვენი მეთოდი არ არის
თარიღი:  132

დასავლეთისგან განსხვავებით, მუქარები და შანტაჟი ჩვენი მეთოდი არ არის, კავშირებს ჩვენი ქვეყნების, ერების ძირეული ინტერესებიდან გამომდინარე ვაწყობთ, - ამის შესახებ რუსეთის საგარეო საქმეთა სამინისტროს სპიკერმა მარია ზახაროვამ ბრიფინგზე განაცხადა.

მარია ზახაროვამ ისაუბრა საქართველოს საკითხზე „უცხოური გავლენის გამჭვირვალობის შესახებ“ კანონპროექტის კონტექსტში და აღნიშნა, რომ ჩანს „სუვერენული ქვეყნების საქმეებში აშშ-ის ცინიკური და უცერემონიო ჩარევის მორიგი შემთხვევა“.

“ისე საინტერესოა, თითქოს ეროვნულ იდენტობა, სიამაყე და თავისუფლება სურსათია, ვინც უფრო მეტს შესთავაზებს, როგორც აუქციონზე, მისთვის საკუთარი თავის მიყიდვა და გადაცემა ღირს. ნუთუ ასე სვამთ საკითხს? - ასე არ შეიძლება საკითხის დასმა.

ყველა ქვეყანამ უნდა გაარკვიოს, ალბათ, მისი ისტორიის, მისი სამომავლო გეგმების, მისი კულტურის, ფილოსოფიის, იდეოლოგიის, შიდა და გარე პოლიტიკის გათვალისწინებით - ეს სახელმწიფო სუვერენულია თუ ეს სახელმწიფო მზად არის თავისი დამოუკიდებლობის და თავისუფლების დელეგირება, გადაცემა ან, ვაჭრობა მოახდინოს.

ამას ვხედავთ ახლა - სუვერენული ქვეყნების საქმეებში აშშ-ის ცინიკური და უცერემონიო ჩარევის მორიგი შემთხვევა. აი ახლა ვაშინგტონში “უცხოური გავლენის გამჭვირვალობის შესახებ” კანონი არ მოეწონათ. შემდეგ რა იქნება? კიდევ რომელი კანონი არ მოეწონება ვაშინგტონს? ეს ხომ დიდწილად საცდელი ნაბიჯია - ახლა თბილისი, საქართველო, ქართველი ერი დანებდება ამ შანტაჟს, ისინი აჩვენებენ, რომ მათთან ყველაფრის გაკეთება შეიძლება. ეს ფაქტია. ზუსტად იგივე ხდებოდა უკრაინასთან…

აშშ-ის განცხადებებს შეხედეთ - თუ თბილისი ვაშინგტონის მხრიდან ამ ზეწოლებსა და გავლენებს არ ნებდება, მაშინვე საქართველოს დემოკრატიისთვის ძირის გამოთხრა დააბრალეს. მაშინვე თქვეს, რომ დემოკრატიისთვის ძირის გამოთხრისთვის საქართველო უნდა დავსაჯოთ. აშშ-იც და მოკავშირეებიც საქართველოს მთავრობას პერსონალური სანქციებით, ევროატლანტიკური პერსპექტივის ბლოკირებით, ევროკავშირში კანდიდატის სტატუსის წართმევით, უვიზო რეჟიმის გაუქმებით ემუქრებიან. ეს მხოლოდ ერთი კანონია, ღმერთო ჩემო, რის შესახებაა? მხოლოდ იმის შესახებაა, რომ საქართველოს ტერიტორიაზე ყველა მიღებული სახსრის დეკლარირება და მათი წარმომავლობის ახსნაა საჭირო, თუ ისინი შიდა პოლიტიკურ პროცესებზე გავლენას ისახავენ მიზნად. ზუსტად ასეთი კანონია აშშ-შიც, ყველა იქიდან აკოპირებს…

მეორე მხრივ ვხედავთ, როგორ დამაკნინებლად, დამამცირებლად, ქართველი ერის ღირსებისადმი რამე პატივისცემის გარეშე, დასავლეთი მიწოდებებს სთავაზობთ პოზიციის შეცვლის შემთხვევაში. ნუთუ ყიდვა სურთ? ალბათ უბრალოდ არ ესმით ვისთან აქვთ საქმე.

საიდან აქვს ეს დასავლეთს? ეს ზუსტად ის კოლონიალური პრაქტიკებია - დაშინება, გატეხა და, რა თქმა უნდა, მოტყუება. ძალიან ბევრს დაჰპირდე, შემდეგ, ოქროს სანაცვლოდ შუშის მძივები მიაწოდო, ეს არის სულ. დასავლეთისგან განსხვავებით, მუქარები და შანტაჟი ჩვენი მეთოდი არ არის, კავშირებს ჩვენი ქვეყნების ერების ძირეული ინტერესებიდან გამომდინარე ვაწყობთ”, - განაცხადა ზახაროვამ.

 

მსოფლიო
შვეიცარიაში მშვიდობის გლობალურ სამიტში100 ქვეყანა მიიღებს მონაწილეობას, მათ შორის სახელმწიფოსა და მთავრობის 57 მეთაური

შვეიცარიაში მშვიდობის გლობალურ სამიტში 100 ქვეყანა მიიღებს მონაწილეობას, მათ შორის სახელმწიფოსა და მთავრობის 57 მეთაური. ინფორმაციას ამის შესახებ შვეიცარიის ფედერალური საბჭო ავრცელებს.

კიდევ 29 ქვეყანა მინისტრების - ძირითადად საგარეო უწყებების ხელმძღვანელების - დონეზე იქნება წარმოდგენილი. 6 ქვეყანა ელჩებს გააგზავნის: ინდონეზია, ისრაელი, არაბთა გაერთიანებული საამიროები, სამხრეთ აფრიკა, ფილიპინები და ბრაზილია.

ბრაზილია და ვატიკანი დამკვირვებლების და არა სამიტის მონაწილე სტატუსში იქნებიან. როგორც მოსალოდნელი იყო, ჩინეთის დელეგაცია სამიტს არ დაესწრება.

საერთაშორისო ორგანიზაციებიდან შვეიცარიაში წარმოდგენილი იქნებიან ევროპის საბჭო, ევროპის უშიშროებისა და თანამშრომლობის ორგანიზაცია (ეუთო), ამერიკის სახელმწიფოთა ორგანიზაცია, ევროკავშირის ყველა საკვანძო ინსტიტუტი (ევროპული საბჭო, ევროკომისია, ევროპარლამენტი). გაერო და მსოფლიო საპატრიარქო დამკვირვებლების სტატუსით იქნებიან.

„ამ სამიტის ორგანიზებით შვეიცარია უზრუნველყოფს დისკუსიის პლატფორმას, სადაც ყველა დამსწრე სახელმწიფოს შეუძლია თავისი იდეები და ხედვები წარმოადგინოს უკრაინაში სამართლიანი და ხანგრძლივი მშვიდობისთვის. [...] 100 სახელმწიფოსა და ორგანიზაციის მონაწილეობა მთელი მსოფლიოდან ამ პროცესის კარგი საწყისი წერტილია“, - ნათქვამია განცხადებაში.

მშვიდობის გლობალური სამიტი შვეიცარიაში 15-16 ივნისს გაიმართება.

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.