,
„რიგგარეშე არჩევნები შარლ მიშელის დოკუმენტის ანულირების გარეშეც გამორიცხული იყო, რადგან შეუძლებელია ვიფიქროთ, რომ 43%-ზე ნაკლები შეიძლება მივიღოთ. ამ შემთხვევაში, მით უმეტეს, გამორიცხულია, რადგან არაფერ შუაშია არაა ვადამდელ არჩევნებთან“, - განაცხადა „ქართული ოცნების“ აღმასრულებელმა მდივანმა, მამუკა მდინარაძემ პარტიის ოფისში გამართულ ბრიფინგზე.
მისივე თქმით, თვითმმართველობის არჩევნები საპარლამენტო არჩევნების მსაზღვრელი არაა.
„ანულირების შესახებ გადაწყვეტილების მიღებისას, როდესაც ჩვენ კონსტიტუციურ ჩარჩოში ჩაჯდომასა და სწორი დემოკრატიული პროცესის დამკვიდრებაზე ვსაუბრობდით, სწორედ ამას ვგულისხმობდით. როცა ჩვენი მხრიდან იყო კომპრომისები და ეს მეორე მხრიდან ვერ ვნახეთ, ამის შემდეგ მივიღეთ ეს გადაწყვეტილება. მიგვაჩნდა და ახლაც მიგვაჩნია, რომ თვითმმართველობის არჩევნებზე არ უნდა იყოს საპარლამენტო არჩევნების ბედი მიბმული. ეს დემოკრატიულ პრინციპებს არღვევს“, - აღნიშნა „ქართული ოცნების“ აღმასრულებელმა მდივანმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
