USD 2.7277
EUR 3.0441
RUB 2.9473
Тбилиси
მამუკა ხაზარაძე - შე დალოცვილო, რატომ ჩამოგყავს ეს ადამიანი?!
дата:  611

„ლელო საქართველოსთვის" ლიდერის, მამუკა ხაზარაძის განცხადებით, როდესაც „ქართული ოცნების“ ლიდერები აცხადებენ, რომ ვადამდელი არჩევნების საკითხი არც კი განიხილება, „სწორედ ეს არის ის ულტიმატუმი, რომელსაც მოლაპარაკების პროცესი ჩიხში შეჰყავს“.

„ჩვენ აუცილებლად დავსხდებით მაგიდასთან, რაც არ უნდა ასეთი რადიკალური განცხადებები მოვისმინოთ. „ქართული ოცნების“ ამოცანა სწორედ ის არის, რომ მოლაპარაკება ჩაიშალოს და მერე ეს ოპოზიციას დაბრალდეს. „ლელო“ და დარწმუნებული ვარ, სხვა ოპოზიციური პარტიებიც მოლაპარაკებების მაგიდასთან დავსხდებით, მიუხედავად იმისა, რა განცხადებებიც დღეს მოვისმინეთ. თუ ლაპარაკია იმაზე, რომ არჩევნებზე საუბარი არ არის, მაშინ ჩვენ კი არ უნდ გვითხრან, უნდა გაუგზავნონ დეპეშა პრეზიდენტ მიშელს და უთხრან, ჩვენ არ გვინდა მოლაპარაკებების გაგრძელება, რადგან არჩევნების საკითხი 6 პუნქტიდან ერთ-ერთია“, - განაცხადა ხაზარაძემ.

მისი თქმით, თუ ხელისუფლებას მოლაპარაკებების პროცესი ჩაშლისკენ მიჰყავს, შესაბამისი პასუხისმგებლობაც უნდა აიღოს.

„კრისტიან დანიელსონის ჩამოსვლის წინა დღეს, როცა მაღალი თანამდებობის პირები ამბობენ, რომ ორ საკითხზე საერთოდ ლაპარაკი არ არის, მაშინ შე დალოცვილო, რატომ ჩამოგყავს ეს ადამიანი?! ჩვენ მაქსიმალური მონდომებით და მოთმინებით გავაგრძელებთ მოლაპარაკებას, რადგან ეს არის შანსი“, - განაცხადა ხაზარაძემ.

„ლელოს“ ლიდერის განცხადებით, დღეს ქვეყანა პოლიტიკურ კრიზისშია შესული და გამოსავალი რიგგარეშე არჩევნებშია.

„მთელი ეს პროცესი დავიდა მარტივ ფორმულაზე, პარლამენტში შეხვალ თუ არ შეხვალ, დაახლოებით ასე მიდის მსჯელობა, რა თქმა უნდა, ყველასთან არა, მაგრამ ადამიანებს ბოლოს ეს რჩებათ. პრაქტიკულად, ეს იმ პროპაგანდის შედეგია, რომელსაც „ქართული ოცნება“ ეწევა იმიტომ, რომ ამ საუბარში ადამიანებს დაავიწყდათ, რაზე ხდება მედიატორობა, რა საკითხებს ვიხილავთ. საკითხი ეხება 6-პუნქტიან დოკუმენტს, რომელიც პრეზიდენტმა მიშელმა მაგიდაზე დადო. ეს არ არის ერთი საკითხი, ეს არის საკითხების კომპლექტი, რომელიც სჭირდება არა ოპოზიციას, არამედ ქართველ ხალხს. ჩვენს ინტიტუციონალურ განვითარებას, ჩვენი დემოკრატიული ინსტიტუტების განვითარებას და ქვეყნის ახალ ეტაპზე გადაყვანას. როცა საუბარია იმაზე, რა უნდა ოპოზიციას, გავიმეორებ იმას, რაც დანიელსონის ვიზიტის პირველ დღეს ვთქვი, ოპოზიცია პირველ დღესვე მზად იყო ხელი მოეწერა საკითხის 90%-ზე. საკითხი თითქმის შეთანხმებულად ჩავთვალეთ. „ლელო“ და სხვა ოპოზიციური ლიდერები მზად იყვნენ ამ დოკუმენტზე ხელი მოეწერათ. სამწუხაროდ, იმ დოკუმენტიდან არ დარჩა არაფერი, დარჩა წყალი, ჰაერი და უბრალოდ გაგრძელებას აზრი არ ჰქონდა. ეს არ იყო ოპოზიციის დოკუმენტი, ეს იყო ბატონი დანიელსონის ჩაშლილი დოკუმენტი 6 პუნქტიდან გამომდინარე“, - განაცხადა ხაზარაძემ.

область
სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა, შიდა ქართლში ამჟამად მიმდინარეობს 28 ბაღის მშენებლობა და რეაბილიტაცია.
შიდა ქართლის რეგიონში, კასპის მუნიციპალიტეტის სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა
 
დასრულებულია საბავშვო ბაღის შენობის კონსტრუქციული ნაწილის მშენებლობა, საინჟინრო სისტემების მონტაჟი და მოპირკეთების სამუშაოები
 
საბავშვო ბაღის ახალ შენობაში ეწყობა საძინებელი, სათამაშო, გამოსაცვლელი და ადმინისტრაციული ოთახები, სამზარეულო, სასადილო, სამრეცხაო, ლიფტი და საევაკუაციო კიბეები. ეზოებში მოეწყობა სათამაშო მოედნები
 
თანამედროვე სტანდარტებისა და დადგენილი ნორმების სრული დაცვით აშენებული ახალი საბავშვო ბაღის შენობა ადაპტირებულია შეზღუდული შესაძლებლობის მქონე პირთათვის და სპეციალური საგანმანათლებლო საჭიროებების მქონე აღსაზრდელებისათვის
 
„სოფელ ოკამში 75 ბავშვზე გათვლილი ახალი საბავშვო ბაღის მშენებლობა დასკვნით ეტაპზეა. მალე დასრულდება დარჩენილი სამუშაოები და ეზოს აღჭურვა ატრაქციონებით. ბაღში სრულად მოეწყო საინჟინრო ქსელები, ფუნქციური ოთახები, დარბაზი შემოქმედებითი განვითარებისთვის, კვების ბლოკი და ყველა სხვა აუცილებელი ინფრასტრუქტურული ელემენტი,“-ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ სოფელ ოკამის საბავშვო ბაღის მშენებლობის პროცესის მონახულების შემდეგ განაცხადა
 
პროექტს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი სახელმწიფო ბიუჯეტის 1.8 მილიონი ლარის დაფინანსებით ახორციელებს
2024-2025 წლებში შიდა ქართლის რეგიონში დასრულდება 24 საბავშვო ბაღის მშენებლობა და 4 ბაღის რეაბილიტაცია. მათ შორისაა, 200 აღსაზრდელზე გათვლილი საბავშვო ბაღის მშენებლობა დაბა სურამში.
более
голосование
ვინ გაიმარჯვებს რუსეთ - უკრაინის ომში?
голосование
Кстати