,
„ლელოს“ ლიდერის მამუკა ხაზარაძის განცხადებით, ქვეყანას გადატვირთვა სჭირდება და ეს რიგგარეშე არჩევნების მეშვეობით უნდა მოხდეს.
„ლელოს საქართველოსთვის“ იწყებს ფართომაშტაბიან აქციას. ჩვენ გამოვედით ქუჩაში ხალხთან, რათა მოვისმინოთ მათი აზრი რიგგარეშე არჩევნებთან დაკავშირებით. ეს იქნება გამოკითხვა და ხელმოწერების შეგროვება მთელი საქართველოს მაშტაბით. მთელი პარტია არის მობილიზებული და ასეთი შტაბები იქნება განლაგებული ყველა ქალაქსა და რაიონში იმისათვის, რომ გავაგონოთ ხელისუფლებას იმ ხალხის აზრი და პოზიცია, რომელსაც ასე ცხოვრების გაგრძელება არ უნდა.
ქვეყანა პოლიტიკურ, ეკონომიკურ და პანდემიურ კრიზისშია. ასევე ჩავარდა ვაქცინაციის პროგრამა, იმიტომ, რომ ადამიანები არ ენდობიან მათ განხორციელებულ ამა თუ იმ პროგრამას. ჩვენ გვჭირდება გადატვირთვა. გადატვირთვა ყველა ნორმალურ დემოკრატიულ ქვეყანაში ხდება რიგგარეშე არჩევნების მეშვეობით.
დღეს ისევ დგას თავისუფლების და დამოუკიდებლობის დაცვის საკითხი თითოეული ჩვენთაგანისთვის. ამიტომ ისე როგორც არასდროს, დღეს არის მნიშვნელოვანი ყველა მოქალაქის ხმის გაგონება და პოზიციის დაფიქსირება. ჩვენ „ლელო“ ყველაფერს გავაკეთებთ, რომ მივიდეთ თითოეულ ამომრჩევლამდე. ქვეყანას სჭირდება რიგგარეშე არჩევნები.
ყველა პოლიტიკურ პარტიას, შემოქმედებით საზოგადოებას და სამოქალაქო სექტორს მოვუწოდებ, რომ დაგვიდგნენ ამ წამოწყებაში გვერდით, რადგან მნიშვნელოვანია ეს საკითხი და ერთიანი ძალისხმევით კიდევ ერთხელ დავაფიქსიროთ ის, რომ ქვეყანას გადატვირთვა სჭირდება და ეს გადატვირთვა გადის რიგგარეშე არჩევნებზე“ , - განაცხადა მამუკა ხაზარაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
