,
იმდინარე კვირის დასაწყისში ცნობილი გახდა, რომ სახელმწიფოს საკუთრებაში „უსასყიდლოდ გადაეცა“ „ბორჯომის“ მმართველ კომპანია RISSA INVESTMENT LIMITED-ის 7.73% - შედეგად კომპანიაში სანქცირებული რუსი ოლიგარქის მიხაილ ფრიდმანის აქციათა პაკეტი 57.72%-დან 49% მდე შემცირდა. ოფიციალური წყაროების თანახმად, სააქციო პაკეტთან ერთად, სახელმწიფო წარმოდგენილი იქნება დირექტორთა საბჭოში ერთი ხმის უფლების მქონე დირექტორით, რომელიც ასევე დირექტორთა საბჭოს ხელმძღვანელი იქნება და მას ექნება წარმმართველი როლი.
"ბორჯომის" აქციები, რომელიც სახელმწიფოს გადმოეცა, ქართველ ხალხზე უნდა გასხვისდეს", - აცხადებს გარიგების შეფასებისას “ლელოს” ლიდერი მამუკა ხაზარაძე, რომლის აზრითაც, "გარიგებაში ბევრი კითხვის ნიშანია".
"გაუგებარია, რატომ უნდა ნიშნავდეს სახელმწიფო კერძო კომპანიაში დირექტორთა საბჭოს ხელმძღვანელს?! ეს იმას ნიშნავს, რომ რაღაცა გარიგებაა ამ კონტრაქტის უკან. მეორე - რატომ მოხდა მხოლოდ 7.73%-ის პროცენტის გადმოცემა?! მესამე - როცა პრემიერ-მინისტრი ამბობს, რომ საქართველო რუსეთის წინააღმდეგ დაწესებულ საერთაშორისო სანქციებს არ უერთდება, ამ გარიგებით პრაქტიკულად დასტურება, რომ სანქციებს შეერთებულია, მაგრამ საინტერესოა ის, რომ დასანქცირებულ ადამიანთან, ამ შემთხვევაში "ალფას" წარმომადგენელთან <მიხაილ ფრიდმანთან> მოხდა გარიგება. ის "ჩაწიეს" საკონტროლო პაკეტის ფლობიდან და მართვის უფლება ქართულმა მხარემ მიიღო.
ვფიქრობ, "ბორჯომის" აქციები, რომელიც სახელმწიფოს გადმოეცა, ქართველ ხალხზე უნდა გასხვისდეს საფონდო ბირჟის საშუალებით და ყველა, ვისაც სურვილი აქვს, ამ კომპანიის თანამფლობელი გახდება... მაგრამ ჩემი წინადადება იყო, რომ მთლიანად წამოგვეღო დასანქცირებული კომპანიის აქციები და სრულად ქართველ ხალხზე გასხვისებულიყო", - ამბობს მამუკა ხაზარაძე.
დონალდ ტრამპმა რუსეთსა და უკრაინას შორის „სამშვიდობო გეგმას“ მხარი დაუჭირა, - ინფორმაციას NBC News-ი აშშ-ის პრეზიდენტის ადმინისტრაციის მაღალჩინოსანზე დაყრდნობით ავრცელებს.
გამოცემის ცნობით, აშშ-ის პრეზიდენტმა, დონალდ ტრამპმა მხარი დაუჭირა რუსეთსა და უკრაინას შორის ომის დასრულების მიზნით შემუშავებულ 28-პუნქტიან „სამშვიდობო გეგმას“, რომელზეც ამერიკელი მაღალჩინოსნები რუსეთის პრეზიდენტის სპეციალურ წარმომადგენელთან, კირილ დმიტრიევთან და უკრაინელ ოფიციალურ პირებთან ბოლო რამდენიმე კვირის განმავლობაში ფარულად მუშაობდნენ.
როგორც გამოცემა წერს, აშშ-ის მხრიდან გეგმაზე პრეზიდენტის სპეციალური წარმომადგენელი სტივ უიტკოფი, ვიცე-პრეზიდენტი ჯეი დი ვენსი, სახელმწიფო მდივანი მარკო რუბიო და დონალდ ტრამპის სიძე ჯარედ კუშნერი მუშაობდნენ.
„გეგმა მდგრადი მშვიდობის მიღწევის მიზნით ორივე მხარისთვის უსაფრთხოების გარანტიებს ითვალისწინებს. გეგმა იმას შეიცავს, რაც უკრაინას სურს და მდგრადი მშვიდობისთვის სჭირდება“, - განუცხადა გამოცემას ამერიკელმა მაღალჩინოსანმა.
ამერიკელმა ოფიციალურმა პირმა გამოცემასთან გეგმის დეტალებზე არ ისაუბრა და აღნიშნა, რომ პროცესში ჩართულ მხარეებთან გეგმასთან დაკავშირებით მოლაპარაკებები ჯერ კიდევ აუცილებელია.
ამასთან, გამოცემის ინფორმაციით, გეგმის ჩარჩო უკრაინულ მხარეს უნდა წარუდგინონ და პროექტის შესახებ საბოლოო შეთანხმების ვადა უკრაინაში პენტაგონის დელეგაციის ვიზიტს ემთხვევა.
გამოცემის წყაროს თქმით, უკრაინაში პენტაგონის დელეგაციის ვიზიტი „სამშვიდობო მოლაპარაკებების განახლების“ მიზნით თეთრი სახლის გეგმის ნაწილია.
