USD 2.6978
EUR 2.9112
RUB 2.9177
თბილისი
მამუკა გიორგაძე: „საქართველოში კრიზისი ხელოვნურია და მისი მონაწილეები ასე ადვილად არ გაჩერდებიან“
თარიღი:  955
მარიამ მჭედლიშვილი
"ახალი თაობა"
 
იწყება თუ არა საქართველოში პოლიტიკური კრიზისის მოგვარება? ამ და სხვა საკითხებზე „ახალი თაობა“ ესაუბრა სახალხო პარტიის ლიდერს, ყოფილ დეპუტატს, მამუკა გიორგაძეს
 
_ ოპოზიციის ნაწილმა მმართველ პარტიასთან ერთად ხელი მოაწერა ევროპული საბჭოს პრეზიდენტის, შარლ მიშელის ახალ დოკუმენტს. არის ეს პოლიტიკური კრიზისის დაძლევის დასაწყისი?
 
_ მადლობა ევროკავშირს, მაგრამ, სამწუხაროდ, საქართველოში არსებული პოლიტიკური კრიზისი სხვა სახისაა და ადვილად ვერ დაიძლევა. ეს კრიზისი ინსპირირებულია, მას არ გააჩნია ბუნებრივი საფუძველი. მონაწილე სუბიექტები მას საკუთარი საჭიროებისთვის იყენებენ. კრიზისი ხელოვნურია და და მისი მონაწილეები ასე ადვილად არ გაჩერდებიან.
 
_ ქაოსი მომავალშიც არ არის გამორიცხული?
 
_ რასაკვირველია. ბუნებრივი კონკურენციით, ჯანსაღი არჩევნებით, იდეების ჭიდილით გარკვეული პოლიტიკური აქტორები ვერ მოვლენ ხელისუფლებაში. ამ მოთამაშეების პატრონების გეგმების თანახმად, ქვეყანაში უნდა მეფობდეს ქაოსი, მოსახლეობა კი მუდმივად სტრესის მდგომარეობაში უნდა იმყოფებოდეს. ეს რომ ნორმალური, ჩვეულებრივი კრიზისი იყოს, აქედან გამოსვლის გზები გამოინახებოდა.
 
_ კლასიკური კრიზისის შემთხვევაში ვადამდელი არჩევნები იქნებოდა გამოსავალი?
 
_ ვადამდელი არჩევნებიც და სხვა მეთოდებიც. ჩვენთან სხვა მდგომარეობაა. კრიზისი არის თვითმიზანი. ამის შემყურე ხალხს უტყდება გული, ის ვარდება ნიჰილიზმში. ჩვენი საგარეო პარტნიორები ხვდებიან, რაც ხდება, მაგრამ ხანდახან ამაზე თვალს ხუჭავენ. ერთი-ორჯერ პირდაპირ გვითხრეს (არენაზე მყოფ პარტიებს უთხრეს) კიდეც, რუსეთის თამაშს თამაშობთო. მათ რაც შეუძლიათ, აკეთებენ. თუ ჩვენ არ მოვინდომეთ და ქვეყანაზე არ ვიფიქრეთ, ისინი რას იზამენ?! ნახევარი წელიწადია ვიმყოფებით ამ ხელოვნურ ქაოსში. აღარც კოვიდ-თან ბრძოლისთვის გვცალია, არც ტერიტორიული მთლიანობისათვის, აღარც რეგიონული პრობლემებისთვის, არც შავი ზღვის უსაფრთხოებისთვის, არც იმისთვის, რომ ხალხი შიმშილობს. რეფორმები არც ერთ სფეროში არ გაგვიტარებია. ქორწილში ორი მთვრალი კაცი რომ ერთმანეთს ეჩხუბება, ისე მივჩერებივართ ორი პოლიტიკური სუბიექტის გაწევ-გამოწევას.
 
_ სასამართლო, საარჩევნო რეფორმები ნახსენებია შარლ მიშელის დოკუმენტში. იქნებ, ახლა მაინც დაიწყოს რეფორმების განხორციელება?
 
_ სავალალოა, რომ 30 წელიწადი გავიდა და ერთი საფუძვლიანი რეფორმა ვერ გავატარეთ, დემოკრატიულის ინსტიტუტები ვერ ჩამოვაყალიბეთ. ეს არ გააკეთა არც ერთმა ხელისუფლებამ. სასამართლო რეფორმის ოთხ ტალღაზე გვესაუბრებოდნენ, სინამდვილეში, არაფერი გაკეთებულა გარდა იმისა, რომ ერთი მოსამართლე მეორით შეიცვალა. ამ პერიოდში სიტუაცია სულ დაძაბული იყო. პრობლემები იფარებოდა სამხედრო, პოლიტიკური, სიტყვიერი, პიროვნული დაპირისპირებებით. იხარჯებოდა ამაო დრო, ფული და რესურსები.
 
_ მიშელის დოკუმენტს დავუბრუნდეთ. ოპოზიციის ნაწილმა მას ხელი მაშინვე მოაწერა. არ არის გამორიცხული, მათ სხვებიც შეუერთდნენ. ზოგისთვის ეს მიუღებელია. სალომე სამადაშვილს უთანხმოების გამო ნაცმოძრაობის დატოვებაც მოუხდა.
 
_ ამ პოლიტიკოსებს შორის თვისებრივი განსხვავება არ არის. ამ ხალხს სხვადასხვა ფუნქცია აქვთ მინიჭებული.
 
ყველა ერთნაირი საბჭოთა ერთპარტიულობის დროს იყო. ახლა ერთპარტიულობა ვერ იქნება. ვითომ მრავალპარტიულობაა. თანაც, აუცილებელია დრამატიზმი თავისი განცდებითა და ექსპრესიულობით, ინტიმით. სხვანაირად დამაჯერებელი სპექტაკლი არ შედგება. ყველა რადიკალი ვერ იქნება. ზოგს ზომიერის როლი აქვს დაკისრებული. გოჩასა და ხვიჩას ეპიზოდისა არ იყოს, თვალზე ცრემლი გადგება.იმასაც ხვდები, რომ საქართველოსთვის არც ერთი არ იბრძვის. ყველა ერთ ფაბრიკაშია დამზადებული. ამას აკვირდება დასავლეთი. იქ ეჭვი ეპარებათ, რომ „ვეფხისტყაოსნის“ შემქმნელ ერთან ურთიერთობენ. არ სჯერათ, რომ „ვეფხისტყაოსანი“ აქ შეიძლებოდა შექმნილიყო. პოლიტიკური სპექტაკლები მიდის ნამახვანიჰესის, გარეჯის, ადამიანების შიმშილის ფონზე. იკორთიდან წმინდანთა ნეშტის გადატანამ შეუმჩნევლად ჩაიარა. სამაგიეროდ, გაუთავებლად მიდის საუბარი მელიასა და რურუას პოლიტპატიმრობაზე.
 
_ რა არის ხელოვნური ქაოსის მიზანი?
 
_ ერთ-ერთი ამოცანაა ადამიანის, ერის დეგრადაცია. ვიღაცა იფირებს, რომ ეს დაკავშირებული არაა პოლიტიკასთან. არადა, არის. დეგრადირებული და ამორალური საზოგადოების ხელში ქვეყანა წარმატებას ვერ მიაღწევს. მტერს ეს უნდა. მაშინ, როცა ანზორ ერქომაშვილის გასვენების დღე იყო, გურამ დოჩანაშვილი კი ახლად გარდაცვლილი გახლდათ, ქალაქის ცენტრში კონცერტი და ცეკვა-თამაში იყო გაჩაღებული. ეს საშინელებაა. ერთი წუთითაც ვერ გამოდიან როლებიდან.
 
_ ევროკავშირის წარმომადგენელი მედიატორები დიდ აქცენტს აკეთებენ საარჩევნო საკითხებზე. იქნებ, მოხერხდეს ისეთი სამართლიანი საარჩევნო კანონმდებლობის მიღება, რომ პარლამენტში კონკურენციის გზით მოხვდნენ პოლიტიკური ძალები?
 
_ ამის იმედი არ უნდა დავკარგოთ. პესიმისტურად არც მე ვარ განწყობილი. რუსეთი, რომელიც საქართველოში პოლიტიკურ ქაოსის რეჟისორია, სუსტდება. სხვა არაფერი შეუძლია და ქაოსს იწვევს. შავ ზღვაზე რუსეთი დომინანტური როლი დამთავრდა. რასაკვირველია, საარჩევნო და სასამართლო რეფორმები გასატარებელია. ევროკავშირიც ამას გვირჩევს. ეს თუ გაკეთდა, რუსული ინტერესების გამტარებელი პოლიტიკოსები უკანა პლანზე გადავლენ. რუსეთი ერთ ამბავშია-ბოლო წლებში თავისი სპეცსამსახურები გაააქტიურა და პოლიტიკურ ველზე გამოიყვანა. იმედია, საზოგადოება თავის წვლილს შეიტანს რუსეთიდან თავსმოხვეული ხელოვნური ქაოსის დაძლევაში.
 
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.