,
იაპონიაში, ტოკიოს ერთ-ერთ სამგზავრო მატარებელში, დანით შეიარაღებული პირი მგზავრებს დაესხა თავს. დაშავდა 10 ადამიანი, მათგან 9-ის საავადმყოფოში გადაყვანა გახდა საჭირო, - ამის შესახებ BBC წერს.
36 წლის ეჭვმიტანილმა კაცმა პოლიციელებს განუცხადა, რომ გაბრაზდა, როცა დაინახა ქალები, რომლებიც „ბედნიერად გამოიყურებოდნენ“ და მათი დახოცვა მოუნდა.
დაჭრილთაგან ერთის, სტუდენტი გოგოს მდგომარეობა მძიმეა.
თავდასხმა სადგურ Seijogakuen-თან ახლოს მოხდა. ეჭვმიტანილი მატარებლიდან გადახტა და გაიქცა. მოგვიანებით, ის ერთ-ერთ მაღაზიაში შევიდა და თანამშრომლებს განუცხადა, რომ თავად იყო „ინციდენტში ეჭვმიტანილი, რომლის შესახებაც ახალი ამბები ვრცელდებოდა“ და რომ სირბილით დაიღალა.
